Epaper
ఉన్నట్టుంది ఎయిర్ పోర్టులో చిందులేసింది సమంత. దానికి సంబంధించిన వీడియోను కూడా తన సోషల్ మీడియా ఎకౌంట్ లో పోస్ట్ చేసింది. బీస్ట్ సినిమా కోసం అనిరుధ్ కంపోజ్ చేసిన పాట అది. తాజాగా ఈ డాన్స్ పై స్పందించింది సమంత. అది అనుకోకుండా అలా జరిగిపోయిందని చెప్పుకొచ్చింది.
విజయ్, పూజా హెగ్డే హీరోహీరోయిన్లుగా తెరకెక్కుతోంది బీస్ట్ అనే సినిమా. ఈ సినిమాకు అనిరుధ్ సంగీత దర్శకుడు. సినిమా నుంచి ఫస్ట్ సింగిల్ ను తాజాగా విడుదల చేశారు. అరబిక్ స్టయిల్ లో కంపోజ్ చేసిన ఈ పాట పెద్ద హిట్టయింది. చాలామంది సెలబ్రిటీలు ఈ పాటకు డాన్స్ చేస్తూ, ఆ వీడియోల్ని పోస్ట్ చేస్తున్నారు.
ఎయిర్ పోర్ట్ లో ఉన్న సమంత అనుకోకుండా ఈ వీడియో చూసింది. వెంటనే తనకు కూడా డాన్స్ చేయాలని అనిపించిందట. అనుకున్నదే తడవుగా అప్పటికప్పుడు ఆ స్టెప్పుల్ని వేశానని, ఆ పాట తనకు అంత బాగా నచ్చిందని చెప్పుకొచ్చింది సమంత. అది ప్లాన్ చేసి చేసిన డాన్స్ కాదని స్పష్టం చేసింది.
ప్రస్తుతం ఈ పాట సోషల్ మీడియాను ఓ ఊపు ఊపేస్తోంది. యూట్యూబ్ ను షేక్ చేస్తోంది. ఇక వీడియో విషయానికొస్తే పూజాహెగ్డే అందాలు, విజయ్ స్టెప్పులు ప్రత్యేక ఆకర్షణగా నిలిచాయి.