Epaper
నాగచైతన్య అప్ కమింగ్ మూవీ కస్టడీ. ఇందులో కానిస్టేబుల్ శివ పాత్రలో కనిపించబోతున్నాడు చైతూ. అలాంటప్పుడు సినిమాకు శివ అనే టైటిల్ పెట్టొచ్చు కదా. ఎలాగూ తండ్రి నటించిన పాథ్ బ్రేకింగ్ మూవీ శివ సినిమా ఉంది కాబట్టి, ఆ టైటిల్ పెడితే కస్టడీ సినిమాకు మరింత మైలేజీ వచ్చేది కదా?
“కస్టడీ సినిమాలో నా పాత్ర పేరు శివ. సెంటిమెంట్ కోసం ఆ పేరు పెట్టలేదు. శివ అనే పేరు వెనక చాలా పవర్ ఉంది. కస్టడీలో శివ పాత్ర వెనక కూడా అలాంటి లేయర్స్ ఉన్నాయి. అందుకే ఆ పేరు పెట్టాం. శివ సినిమాకు కస్టడీకి ఎలాంటి సంబంధం లేదు. అందుకే శివ అనే టైటిల్ పెట్టలేదు. కేవలం జిమ్మిక్ కోసం ఓ సూపర్ హిట్ టైటిల్ ను వాడకూడదు. ఒరిజినల్ ను ఒరిజినల్ గానే ఉంచుదాం.”
ఇలా శివ అనే టైటిల్ ఎందుకు పెట్టలేదో వివరించాడు నాగచైతన్య. శివ సినిమాపై అక్కినేని అభిమానులకు చాలా గౌరవం ఉందని, తనకు కూడా ఆ సినిమాపై చాలా రెస్పెక్ట్ ఉందని, అలాంటి సినిమా టైటిల్ ను వాడకపోవడమే బెటరని అభిప్రాయపడ్డాడు చైతూ.
ఈ సందర్భంగా కస్టడీ సినిమాకు సంబంధించి మరో ఆసక్తికర విషయం బయటపెట్టాడు నాగచైతన్య. ఏ సినిమాలోనైనా హీరో చేతిలో విలన్ ఛస్తాడు. కానీ కస్టడీ సినిమాలో మాత్రం విలన్ ను హీరో చంపడు. చంపే సందర్భాలు వచ్చినప్పటికీ, విలన్ బతికుండేలా చేస్తాడు. అదే కస్టడీ సినిమాలో కొత్త పాయింట్ అంటున్నాడు నాగచైతన్య.