Epaper
చాన్నాళ్ల తర్వాత విహారయాత్రకు వెళ్లిన పూజా హెగ్డే.. ఇలా మాల్దీవుల్లో అడుగుపెట్టిందో లేదో అలా ఆమెకు తమ డిమాండ్లు వినిపించారు ఫ్యాన్స్. అక్కడ్నుంచి బికినీ పిక్స్ పెట్టాలనేది నెటిజన్ల డిమాండ్. ఫ్యాన్స్ కోరిక తొందరగానే తీరింది. పూజాహెగ్డే బికినీ వేసింది. ఏకంగా బికినీతో స్టెప్పులేసింది.
మాల్దీవుల్లో ల్యాండ్ అయిన మరుక్షణం నుంచి తన ఎంజాయ్ మెంట్ ను బయటపెడుతూనే ఉంది పూజాహెగ్డే. తను దిగిన రిసార్ట్, స్విమ్మింగ్ పూల్, ఫుడ్.. ఇలా అన్నింటినీ ఫొటోలు తీసి అభిమానులతో షేర్ చేసుకుంటోంది. ఈ క్రమంలో బికినీ వేసుకొని స్విమ్మింగ్ పూల్ లోకి దిగింది. అంతకంటే ముందు అదే బికినీలో చిన్న స్టెప్పు వేసి ఫ్యాన్స్ కు ట్రీట్ అందించింది. ఫొటోలు అడిగితే, ఏకంగా వీడియో రిలీజ్ చేసింది.
ప్రభాస్ హీరోగా నటించిన రాధేశ్యామ్ సినిమాలో హీరోయిన్ గా నటించింది పూజాహెగ్డే. త్వరలోనే ఈ మూవీ ప్రమోషన్ లో ఆమె పాల్గొనబోతోంది. ప్రభాస్ తో కలిసి దేశంలోని పలు కీలక నగరాల్లో ప్రచార పర్యటనలు చేయబోతోంది. దీంతో పాటు ఆచార్య ప్రమోషన్ కూడా పెండింగ్ లో ఉంది. ఇక ఆమె నటిస్తున్న బీస్ట్ సినిమా సెట్స్ పై ఉంది. మాల్దీవులు విహారయాత్ర పూర్తయిన వెంటనే తిరిగి తన సినిమా పనుల్లో బిజీ అయిపోతుంది ఈ బ్యూటీ.
వచ్చే ఏడాది కూడా ఆమె తెలుగు, తమిళ, హిందీ భాషల్లో వరుస సినిమాలతో బిజీగా ఉండబోతోంది. మహేష్-త్రివిక్రమ్ సినిమా అందులో ఒకటి.