రవితేజ ‘రావణాసుర’

చకచకా సినిమాలు ప్రకటిస్తున్నాడు హీరో రవితేజ. రెండు సినిమాలు ఫినిష్ చేసి, మూడో స్టార్ట్ చేసి, నాలుగు, అయిదు సినిమాలు అనౌన్స్ చేసేసాడు. 

స్టూవర్ట్ పురం గజదొంగ టైగర్ నాగేశ్వరరావు జీవిత కథ ఆధారంగా తీయబోయే టైగర్ నాగేశ్వరరావు సినిమా టైటిల్ లుక్ బయటకు వచ్చింది. ఎన్నో కాంపౌండ్ లు, హీరోల దగ్గరకు వెళ్లిన ఆ కథ మొత్తానికి రవితేజ దగ్గర సెటిలైంది. దొంగాట సినిమా అందించిన వంశీ దర్శకుడు.

మరో సినిమాను మరో ఒకటి రెండు రోజుల్లో ప్రకటిస్తారు. సుధీర్ వర్మ దర్శకత్వం అందించే ఈ సినిమాకు కథ మాత్రం వేరే రచయిత అందిస్తారు. ఈ సినిమాకు రావణాసుర అనే టైటిల్ ను పరిశీలిస్తున్నట్లు తెలుస్తోంది. ఈ సినిమాలో రవితేజ సరసన ఇద్దరు హీరోయిన్లు నటిస్తారు. 

ఇప్పుడు హీరోయిన్లు ఎవరనే దాని మీదే కసరత్తు సాగుతోంది. అభిషేక్ నామా ఈ సినిమాకు నిర్మాత. అవుట్ అండ్ అవుట్ యాక్షన్ థ్రిల్లర్ సబ్జెక్ట్ తో ఈ సినిమాను తెరకెక్కిస్తున్నారు.