మిడ్ నైట్ రన్నర్స్…శాకిని..డాకిని

రణరంగం లాంటి డిజాస్టర్ తరువాత దర్శకుడు సుధీర్ వర్మ మూడు సినిమాలు చేస్తున్నారు. నిఖిల్ హీరోగా లండన్ బేస్డ్ సినిమా ఒకటి తయారవుతోంది. 

రవితేజ హీరోగా యాక్షన్ థ్రిల్లర్ ఒకటి ప్రకటించారు. ఈ లోగా కొరియన్ సినిమా మిడ్ నైట్ రన్నర్స్ ఆధారంగా సురేష్ బాబు, గురు ఫిలింస్ కాంబినేషన్ లో ఓ రీమేక్ ను కానిచ్చేసారు. రెజీనా, నివేదా కాంబినేషన్ లో తయారైన ఈ సినిమాకు కొరియన్ సినిమా 'మిడ్ నైట్ రన్నర్స్' ఆధారం. 

ఆ సినిమా ఆధారంగా తయారవుతున్న ఈ సినిమాకు శాకిని డాకిని అనే డిఫరెంట్ నేమ్ ఫిక్స్ చేసారు. ఓ కిడ్నాప్ డ్రామా నేపథ్యంలో ఈ సినిమా సాగుతుంది.  

సినిమా పూర్తిగా హీరోయిన్ బేస్డ్ గానే సాగుతుంది. నివేదా, రెజీనా ఆ రెండు కీలక పాత్రలను పోషిస్తున్నారు. కొరియన్ సినిమాల్లో మంచి కమర్షియల్ హిట్ అనిపించుకున్న ఈ సినిమాను మాతృక నిర్మించిన థామస్ కిమ్ కూడా తెలుగు సినిమా నిర్మాణంలో భాగస్వామిగా వున్నారు.