Epaper
హెడ్డింగ్ చూసి కన్ఫ్యూజ్ అవ్వకండి. ఆర్ఆర్ఆర్ సినిమా ఫస్ట్ కాపీ అక్టోబర్ 21కి రెడీ అవుతుంది. అంతేతప్ప సినిమా ఆ తేదీకి రావడం లేదు. ఆర్ఆర్ఆర్ అప్ డేట్స్ పై స్పందించిన యూనిట్, తాజాగా పోస్ట్ ప్రొడక్షన్ వర్క్ కొలిక్కి వచ్చిన విషయాన్ని తెలిపింది. రిలీజ్ డేట్ పై మాత్రం పెదవి విప్పలేదు.
“పోస్ట్ ప్రొడక్షన్ దాదాపు పూర్తికావొచ్చింది. అక్టోబర్ 21 నాటికి ఆర్ఆర్ఆర్ మూవీ రెడీ అయిపోతుంది. కానీ సినిమా విడుదల వాయిదా వేసిన విషయం చాలామందికి తెలిసిందే. కాకపోతే థియేటర్లలో ఉన్న పరిస్థితుల వల్ల కొత్త రిలీజ్ డేట్ ప్రకటించలేకపోతున్నాం. ప్రపంచవ్యాప్తంగా సినీ మార్కెట్లు తెరుచుకున్న తర్వాత వీలైనంత త్వరగా మా సినిమా విడుదల తేదీని ప్రకటిస్తాం.”
ఆర్ఆర్ఆర్ సినిమాను సంక్రాంతి బరిలో దించబోతున్నారనే విషయం దాదాపుగా ఇండస్ట్రీ అంతా తెలిసిపోయింది. పోస్ట్ ప్రొడక్షన్ పనులు కూడా వచ్చే నెలకు పూర్తవుతాయనే విషయాన్ని యూనిట్ చెప్పడంతో, సంక్రాంతి రిలీజ్ కు మార్గం సుగమమైంది. అయితే ఆల్రెడీ సంక్రాంతి బరిలో ఉన్న సినిమాలతో ఆర్ఆర్ఆర్ కు క్లాష్ వచ్చింది.
దీనికి సంబంధించి ఇప్పటికే చర్చలు ప్రారంభించారు దర్శకుడు రాజమౌళి, నిర్మాత దానయ్య. అవి కొలిక్కి వస్తే సంక్రాంతికి సినిమా వస్తుంది. లేదంటే సమ్మర్ లో బాహుబలి రిలీజైన తేదీకే రావాలనేది ప్లాన్. రిలీజ్ డేట్ పై క్లారిటీ వచ్చిన తర్వాత ప్రచారాన్ని అఫీషియల్ గా స్టార్ట్ చేస్తారు.