Epaper
క‌న్న‌డ హీరో చిరంజీవి స‌ర్జా గుండెపోటుతో హఠాన్మరణం పాల‌య్యారు. 39 యేళ్ల ఈ న‌టుడు మ‌ర‌ణించిన‌ట్టుగా ముందుగా వార్త‌లు వ‌చ్చాయి. ఆయ‌న గుండెపోటుతో మ‌ర‌ణించిన‌ట్టుగా అనంత‌ర క‌థ‌నాల్లో పేర్కొంటూ ఉన్నారు. ద‌క్షిణాది ప్ర‌ముఖ న‌టుడు అర్జున్ కు మేన‌ల్లుడి వ‌రస చిరంజీవి స‌ర్జా. వీరి కుటుంబానికి మ‌రింత సినీ నేప‌థ్యం ఉంది. మ‌రో ప్ర‌ముఖ క‌న్న‌డ న‌టుడు ధ్రువ్ స‌ర్జా స్వ‌యానా చిరంజీవి స‌ర్జా త‌మ్ముడే.
ప‌లు క‌న్న‌డ సినిమాల్లో హీరోగా న‌టించాడు చిరంజీవి స‌ర్జా. త‌మిళంలో హిట్టైన పందెంకోడి, పిజ్జా, కాక్కాకాక్కా, ప‌య్యా, పాండియ‌నాడు, తెలుగు సినిమాలు ల‌క్ష్యం, ప్రేమ‌కథాచిత్రం, లౌక్యం త‌దిత‌ర సినిమాల‌ను క‌న్న‌డలో రీమేక్ చేశాడు ఈ హీరో.
రెండేళ్ల కింద‌టే ఈ హీరో వివాహం చేసుకున్నాడు. అంత‌కు ముందు ప‌దేళ్ల పాటు ప్రేమలో గ‌డిపి పెళ్లి చేసుకున్నాడు. చిన్న‌వ‌య‌సులోనే ఈ న‌టుడు గుండెపోటుతో మ‌ర‌ణించ‌డంతో క‌న్న‌డ చిత్ర ప‌రిశ్ర‌మ, ప్రేక్ష‌కులు శోకంలో మునిగారు.