Epaper
మెగాస్టార్ చిరంజీవి సైరా సినిమా విడుదల మరో రెండు నెలల్లోకి వచ్చింది. అక్టోబర్ 2న విడుదల. భారీ సినిమా కనుక ఇప్పటి నుంచే పబ్లిసిటీ ప్లాన్ చేస్తున్నారు. సాహో మాదిరిగా కాకుండా ఓ పద్దతిగా, ప్లాన్డ్ గా వెళ్లే ఆలోచన చేస్తున్నారు. ఇప్పటికి ఈ సినిమాకు సంబంధించి ఒకటి రెండు క్యారెక్టర్ లుక్ లు, మెగాస్టార్ క్యారెక్టర్ టీజర్ మాత్రమే బయటకు వచ్చాయి. గత రెండేళ్లుగా సినిమా ఏం తీసారు? ఏమిటి సంగతి అన్నది తెలియదు.
అందుకే త్వరలో ముందుగా ఓ మేకింగ్ వీడియోతో ప్రచారానికి శ్రీకారం చుట్టబోతున్నారు. రెండు నిమిషాలకు కాస్త తక్కువగా వుండే ఓ మేకింగ్ వీడియోను రూపొందించే కార్యక్రమం జరుగుతోందని బొగట్టా. సినిమా ఎంత గ్రాండియర్ గా వుండబోతొంది? టోటల్ సినిమా మేకింగ్ అంతా కలిపి ఓ చిన్న టీజర్ మాదిరిగా రూపొందిస్తున్నారు.
ఇది ఆగస్టులో విడుదల చేయడంతో ప్రచారం ప్రారంభమవుతుంది. అక్కడినుంచి అరవై రోజుల పాటు లుక్ లు, టీజర్, సాంగ్స్, ట్రయిలర్ ఇలా వరుసగా రాబోతున్నాయి. మెగాభిమానులకు ఇక పండగే.