నిర్మాతగా మారుతున్న జ్ఞానశేఖర్

వేదం సినిమా నుంచి ఎన్టీఆర్ బయోపిక్ వరకు దర్శకుడు క్రిష్ చేసిన ప్రతి సినిమాకు సినిమాటోగ్రాఫర్ గా పనిచేసిన జ్ఞానశేఖర్ నిర్మాతగా మారుతున్నారు. ఒక కొత్త దర్శకురాలని ఇండస్ట్రీకి పరిచయం చేస్తున్నారు. అలాగే ఓ కొత్త హీరోను కూడా. సృజన అనే కొత్త దర్శకురాలు అందిస్తున్న క్రికెట్ నేపథ్యంలోని కథను ఆయన నిర్మాతగా తెరకెక్కిస్తున్నారు.

పెళ్లిచూపులు వంటి సక్సెస్ ఫుల్ సినిమాను అందించిన రాజ్ కందుకూరి కుమారుడు శివ కందుకూరిని హీరోగా పరిచయం చేస్తున్నారు. ఈ సినిమాలో హీరో క్రికెట్ నేపథ్యంలో వున్న ముస్లిం యువకుడి పాత్రలో కనిపిస్తాడు. కథను విన్న తరువాత డెసిషన్ చెబుతా అన్న, సంగీత దర్శకుడు ఇళయరాజా, ఆ మాట మేరకు ఈ సినిమాకు సంగీతం అందిస్తున్నారు.

జ్ఞానశేఖర్ కు సినిమాటోగ్రాఫర్ గా మంచి పేరు వుంది. మణికర్ణికతో సహా క్రిష్ సినిమాలు అన్నింటికీ ఆయన పనిచేసారు. మంచి అవుట్ పుట్ ఇచ్చారు. ఇప్పుడు ఇలా తొలిసారి నిర్మాణ రంగంలోకి అడుగు పెడుతున్నారు.

టీడీపీ స్థానాన్ని బీజేపీ ఆక్రమించగలదా?