విజయశాంతి రెమ్యూనిరేషన్?

సీనియర్ హీరోయిన్ విజయశాంతి మళ్లీ చాన్నాళ్ల తరువాత మొహానికి మేకప్ వేసుకుంటున్న సంగతి తెలిసిందే. అనిల్ సుంకర-దిల్ రాజు సంయుక్తంగా అనిల్ రావిపూడి డైరక్షన్ లో నిర్మించే మహేష్ బాబు సినిమాలో కీలకమైన పాత్రకు విజయశాంతిని తీసుకున్నారు. సినిమాలో ఫుల్ లెంగ్త్ లో వుండే కీ రోల్ ఆమెది. మరి అలాంటపుడు ఆమెకు రెమ్యూనిరేషన్ ఎంతయి వుంటుంది?

ఇదే ఇప్పుడు టాక్ ఆఫ్ ది ఇండస్ట్రీగా వుంది. హీరోయిన్ల రెమ్యూనిరేషన్ అయితే పదిలక్షల నుంచి కోటి కోటిన్నర వరకు వుంటుంది. డిమాండ్ ను బట్టి. మరి వెటరన్ హీరోయిన్ కదా? ఎంత అయి వుంటుంది? అన్నది క్వశ్చను. ఈ విషయంలో టాలీవుడ్ లో వినిపిస్తున్న టాక్ ఏమిటంటే, విజయశాంతికి కోటికి పైగానే రెమ్యూనిరేషన్ ఇస్తున్నారని.

ఎందుకంటే సినిమాలో రోల్ ఫుల్ లెంగ్త్ లో వుంటుంది. పైగా కాంబినేషన్ సీన్లు కూడా ఎక్కువ. అందువల్ల క్యారెక్టర్ ఆర్టిస్ట్ కింద లెక్కవేసి రోజులు నాలుగు లక్షల రేంజ్ లో ఫిక్స్ చేస్తే, తడిసి మోపెడయిపోతుంది. అంతకన్నా హీరో, హీరోయిన్ల మాదిరిగా ఇలా సింగిల్ అమౌంట్ ఫిక్స్ చేస్తే గౌరవంగానూ వుంటుంది. కలిసివస్తుంది. ఈ సినిమాకు విజయశాంతి రెండుకోట్ల రెమ్యూనిరేషన్ అడిగారని కూడా వినిపిస్తోంది.

కానీ నిజమెంతో తెలియదు. కోటి నుంచి కోటిన్నర వుండి వుండొచ్చని మాత్రం పక్కాగా వినిపిస్తోంది. ఈ సినిమా క్లిక్ అయితే రమ్యకృష్ణ మాదిరిగా మంచి మంచి పాత్రలు విజయశాంతిని వెదుక్కుంటూ వస్తాయేమో?

ఏపీ రాజకీయంలో ఏం జరుగుతోంది?