Epaper
మహర్షి ప్రీరిలీజ్ ఫంక్షన్ కు డేట్ ఫిక్స్ అయింది. వేదిక కూడా ఖరారైంది. మరి స్పెషల్ గెస్ట్ ఎవరు? ఈసారి ఎవర్ని ఆహ్వానించబోతున్నారు? మహేష్ ఒక్కడే వేదికపై ఉంటాడా లేక మరో హీరోను పిలిచి మరింత కలర్ ఫుల్ గా చేయబోతున్నారా? కేవలం ప్రచారం మాత్రమేకాదు, సెంటిమెంట్ కోణం కూడా ఉందిక్కడ.
మహేష్ నటించిన భరత్ అనే నేను సినిమా ప్రీరిలీజ్ ఫంక్షన్ కు ఎన్టీఆర్ ను చీఫ్ గెస్ట్ గా ఆహ్వానించారు. ఎన్టీఆర్-మహేష్ కలిసి ఒకే వేదికపై కనిపించడంతో సినిమాకు బోలెడంత పబ్లిసిటీ వచ్చింది. ఆ సంగతి పక్కనపెడితే.. ఎన్టీఆర్ రాకతో భరత్ అనే నేను సినిమా సూపర్ హిట్ అయిందనే జనం కూడా ఉన్నారు. మరి అదే సెంటిమెంట్ ను మహర్షికి కూడా ఫాలో అవుతారా?
ప్రస్తుతం ఎన్టీఆర్ ఖాళీగానే ఉన్నాడు. ఆర్-ఆర్-ఆర్ షూటింగ్ లేదు. మహేష్, వంశీ పైడిపల్లి, దిల్ రాజు… ఇలా ఎవరు పిలిచినా మహర్షి ప్రీ-రిలీజ్ ఫంక్షన్ కు రావడానికి అతడికి ఎలాంటి అభ్యంతరం ఉండకపోవచ్చు. నిజానికి గతంలో భరత్ అనే నేను ప్రీ-రిలీజ్ ఫంక్షన్ కు రామ్ చరణ్ కూడా రావాల్సి ఉన్నప్పటికీ కొన్ని కారణాల వల్ల మిస్ అయ్యాడు.
అప్పుడు మిస్ అయ్యాడు కాబట్టి ఈసారి ఎన్టీఆర్ తో పాటు రామ్ చరణ్ ను కూడా పిలుస్తారేమో చూడాలి. రియల్ లైఫ్ లో కూడా మహేష్, ఎన్టీఆర్, రామ్ చరణ్ మంచి స్నేహితులు. మే 1న పీపుల్స్ ప్లాజాలో మహర్షి ప్రీరిలీజ్ ఫంక్షన్ ను నిర్వహించబోతున్నారు.