14 రీల్స్ లో శర్వానంద్

14 రీల్స్ సంస్థకు మంచి మంచి సినిమాలు తీసిన రికార్డు వుంది. కానీ లై సినిమా తరువాత కాస్త ట్రాక్ దెబ్బతింది. మళ్లీ ఇప్పుడిప్పుడే తేరుకుంటున్నారు. హరీష్ శంకర్-వరుణ్ తేజ్ తో ఓ సినిమా సెట్ మీద వుంది. ఇప్పుడు మరో ప్రాజెక్టు కూడా ఓకె అయినట్లు వార్తలు వినిపిస్తున్నాయి.

శర్వానంద్ కు ఓ మాంచి కథ చెప్పించినట్లు, ఆయన ఓకె అన్నట్లు తెలుస్తోంది. ఓ కొత్త దర్శకుడు తెచ్చిన మాంచి కథను శర్వానంద్ కు పక్కాగా నప్పుతుందని భావించి, ఆయనకు చెప్పించారని బోగట్టా. శర్వానంద్ కూడా కథ విని బాగా ఇంప్రెస్ అయ్యి, చేస్తానని మాట ఇచ్చినట్లు తెలుస్తోంది.

ప్రస్తుతం శర్వానంద్ -సుధీర్ వర్మ కాంబినేషన్ పార్థు విడుదల కావాల్సి వుంది. దిల్ రాజు నిర్మించే 96 సినిమా షూట్ జరుగుతోంది. ఇది ఫినిష్ అయ్యాక 14 రీల్స్ సినిమా చేసే అవకాశం వుంది.