Epaper
అనిల్ రావిపూడి – మహేష్ బాబు సినిమా జూన్ ఫస్ట్ వీక్ నుంచి పట్టాలు ఎక్కబోతోంది. జూలై నుంచి మహేష్ బాబు సెట్ మీదకు వస్తారు. ఈ సినిమాకు బౌండ్ స్క్రిప్ట్ తయారీలో దర్శకుడు అనిల్ రావిపూడి బిజీగా వున్నారు. ఇప్పటికే ఈ సినిమాకోసం అలనాటి హీరోయిన్ విజయశాంతిని ఓ కీలకపాత్ర కోసం తీసుకున్న సంగతి తెలిసిందే. అలాగే ఇప్పుడు మరో మాంచి కీలకపాత్ర కోసం ఒకప్పటి కమెడియన్ బండ్ల గణేష్ ను తీసుకున్నారు.
బండ్ల గణేష్ కామెడీ వేషాలు మానేసి, నిర్మాతగా మారారు. ఆ తరువాత మళ్లీ నటించలేదు. ఇటీవల రాజకీయాల్లోకి ఇలా వెళ్లి అలా వచ్చేసారు. యూట్యూబ్ స్టార్ గా బండ్ల గణేష్ కు మంచి పేరుంది. అనిల్ రావిపూడి తను డిజైన్ చేసిన ఓ కీలకపాత్రకు బండ్లగణేష్ అయితే సరిపోతాడని ఫిక్స్ అయ్యారట.
దాంతో ఆ మేరకు గణేష్ ను అప్రోచ్ కావడం, ఓకే అనడం జరిగిపోయింది. అంటే ఇప్పటికి ఇద్దరు రిటైర్డ్ నటులు మహేష్ సినిమాలోకి వచ్చారు. ఇంకెంతమంది వస్తారో? ఇదిలావుంటే హీరోయిన్ గా రష్మిక మడొన్నానే ఫిక్స్ చేసుకున్నట్లు తెలుస్తోంది. వేరే ఛాయిస్, డేట్ లు ఏవీ సెట్ కాలేదని, రష్మికనే ఫైనల్ అని తెలుస్తోంది.