రవితేజ ‘ఫ్రీజ్’?

హీరోలు ఇప్పుడు కొత్త కొత్త కథల కోసం గాలంవేసి మరీ వెదుకుతున్నారు. వైవిధ్యమైన పాత్రల కోసం చూస్తున్నారు. విఐ ఆనంద్ డైరక్షన్ లో హీరో రవితేజ చేయబోయే సినిమాలో పాత్ర కూడా కాస్త వైవిధ్యంగా వుంటుందని తెలుస్తోంది. ఈ సినిమాలో ముగ్గురు హీరోయిన్లు వుంటారన్న సంగతి ఇప్పటికే బయటకు వచ్చింది.

లేటెస్ట్ గా మరో విషయం వినిపిస్తోంది. ఈ సినిమాలో ఏదో ఒక పాయింట్ లో హీరో రవితేజ ఫ్రీజ్ అయిపోతారని తెలుస్తోంది. అంటే డీప్ ఫ్రిజ్ లో వుంటే గడ్డకట్టిపోయినట్లు అయిపోతారని తెలుస్తోంది. వైవిధ్యమైన కథలను ఆలోచించే ఆనంద్ ఈ సినిమా కథను కూడా చాలా వైవిధ్యమైన పాయింట్ తో తయారుచేసుకున్నారని తెలుస్తోంది.

అలాంటి కథలో హీరో ఫ్రీజ్ అయిపోవడం అంటే కాస్త ఆసక్తికరంగానే వుంటుంది. ప్రస్తుతం రవితేజ చేతిలో వున్నది ఈ సినిమానే. త్వరలో పట్టాలెక్కుతుంది ఈ సినిమా.

పవన్ పార్టీ అక్కడ ఎవరిని ముంచినట్లు?