Epaper
బన్నీ-త్రివిక్రమ్ కాంబోలో సినిమా. ప్రాజెక్టు అయితే పక్కా. కానీ అది అనధికారికం. ఇంకా అఫీషియల్ గా ప్రకటించలేదు. ఇంకా చెప్పాలంటే ఈ కాంబోకు ఇంకా స్టోరీ సెట్ అవ్వలేదు. రీమేక్ చేయాలా, మరో కథతో వెళ్లాలా అనే ఆలోచన మీదే ఆగింది బండి. మరోవైపు హీరో బన్నీ కూడా ఇక్కడ లేడు. కుటుంబంతో పాటు విదేశాల్లో ఎంజాయ్ చేస్తున్నాడు. ఇంతలోనే ఈ సినిమాలో హీరోయిన్ అంటూ ఓ పుకారు.
అవును.. బన్నీ-త్రివిక్రమ్ సినిమాలో కైరాను హీరోయిన్ గా తీసుకుంటారట. ఓవైపు త్రివిక్రమ్ సీరియస్ గా కథపై కూర్చుంటే, మరోవైపు హీరోయిన్ కైరానే అంటూ స్టోరీల మీద స్టోరీలు వచ్చేస్తున్నాయి. నిజానికి ఓ ప్రాజెక్టు ఇలాంటి స్టేజ్ లో ఉన్నప్పుడు ఎవరూ హీరోయిన్ గురించి ఆలోచించరు. కానీ ఈ సినిమాకు సంబంధించి కైరా పేరు ప్రముఖంగా తెరపైకి వచ్చేసింది.
నిజానికి కైరాను ఎవరూ సంప్రదించలేదు. ఆమెకు అడ్వాన్స్ కూడా ఇవ్వలేదు. రాబోయే రోజుల్లో కాస్త కాల్షీట్లు ఖాళీగా పెట్టుకోమని మాత్రం సూచించారు. ఈ విషయాన్ని కూడా అల్లు అరవింద్ లేదా బన్నీ చెప్పి ఉంటే అర్థంచేసుకోవచ్చు. మెగా కాంపౌండ్ కు దగ్గరగా తిరిగే ఓ వ్యక్తితో చెప్పించారంతే.
దీనర్థం, ప్రాజెక్టు అంతా ఓకే అయిన తర్వాత కుదిరితే కైరాను తీసుకుంటారు. లేదంటే ఆమె స్థానంలో మరో హీరోయిన్ వచ్చేస్తుంది. ఈ ప్రాజెక్టుకు సంబంధించి కైరా పాత్ర ఇంతవరకే. ఇంతలోనే ఆమె ఫిక్స్ అంటూ కథనాలు వచ్చేస్తున్నాయి. మహేష్ నటించిన భరత్ అనే నేను సినిమాతో టాలీవుడ్ ఎంట్రీ ఇచ్చిన ఈ బ్యూటీ, ప్రస్తుతం రామ్ చరణ్ సరసన ఓ సినిమా చేస్తోంది.