Epaper
అక్కినేని అంటే ఆ రోజుల్లో డ్యాన్స్ లకు పెట్టింది పేరు. ఆ తరానికి డ్యాన్స్ లు అంటే ఆయనవే. ఆ తరువాత అందరూ డ్యాన్స్ లు చేయడం ప్రారంభించారు. అందువల్ల నాగ్ కు అంతగా ఆ విషయంలో పేరు రాలేదు. ఆ తరువాత జనరేషన్ లో నాగచైతన్య కన్నా, అఖిల్ బెటర్ డ్యాన్స్ ల్లో అన్న టాక్ వచ్చింది. సినిమాలు ఫెయిల్ అయినా, అఖిల్ డ్యాన్స్ లు బాగా చేస్తాడనే అభిప్రాయం వచ్చింది.
అయితే ఇప్పుడు ఈ విషయంలో నాగచైతన్య కూడా కాస్త వర్కవుట్ చేస్తున్నట్లు కనిపిస్తోంది. మొన్నటికి మొన్న శైలజారెడ్డి అల్లుడు సినిమాలో డ్యాన్స్ లు బాగానే చేసాడు. లేటెస్ట్ గా సవ్యసాచిలో తండ్రి నాగ్ పాట రీమిక్స్ కు మాంచి స్టెప్ లు వేసాడు.
'నిన్ను రోడ్ మీద చూసినది లగాయితు' అనే పాటను సవ్యసాచి కోసం రీమిక్స్ చేసిన సంగతి తెలిసిందే. ఈ పాట ప్రోమో చూసినవాళ్లంతా అనేమాట, చైతూ కూడా స్పీడ్ గా బాగానే డ్యాన్స్ చేసాడే అనే. చైతూకు యాక్షన్ హీరో ఇమేజ్ కన్నా, లవ్ అండ్ ఫ్యామిలీ జోనర్ హీరోగానే కాస్త ఆదరణ బాగుంది.
ఇలాంటి టైమ్ లో డ్యాన్స్ లు కూడా బాగా చేయడం మొదలుపెట్టాడు కాబట్టి, ఇక ఆ లైన్ లోనే వెళ్లడం బెటర్.