బెల్లంకొండతో గోపీచంద్ మలినేని

సాయిధరమ్ తేజ్ కోసం తన టీమ్ తో, బుర్రా సాయిమాధవ్ తో కలిసి ఓ స్క్రిప్ట్ తయారుచేసి దగ్గర పెట్టుకుకూర్చున్నాడు దర్శకుడు గోపీచంద్ మలినేని. కానీ తేజ్ డేట్ లు ఎప్పుడు దొరుకుతాయో తెలియని పరిస్థితి. అసలు చేస్తాడో చేయడో తెలియని పరిస్థితి. అందుకే హీరో ఛేంజ్ అని ఫిక్సయిపోయారు.

అదే కథను హీరో బెల్లంకొండ శ్రీనివాస్ కు చెప్పినట్లు, కొన్ని మార్పులు చేర్పులతో అది ఓకె అయిపోయినట్లు తెలుస్తోంది. యుటర్న్ సినిమాను నిర్మించిన బ్యానర్, నిర్మాతలతో ఈ ప్రాజెక్టు తెరకు ఎక్కుతుంది. మొత్తానికి విన్నర్ సినిమా అపజయం నీడ నుంచి గోపీచంద్ మలినేని ఇన్నాళ్లకు బయటకు వస్తున్నారన్నమాట. ఈసారైనా మంచి హిట్ కొడతారేమో చూడాలి.

ఇదిలా వుంటే కొత్త డైరక్టర్ తో ఒకటి, తేజ డైరక్షన్ లో ఒకటి సినిమాలు చేస్తున్న బెల్లంకొండ శ్రీనివాస్ మరో మూడు సినిమాలు ఓకె చేసినట్లు తెలుస్తోంది. వాటిల్లో ఒకటి గోపీచంద్ మలినేని, మరోటి రమేష్ వర్మ డైరక్షన్ లో చేస్తారు. 

జూనియర్ ఎన్ఠీఆర్ స్పెషల్ ఈ వారం గ్రేట్ ఆంధ్ర పేపర్ కోసం క్లిక్ చేయండి