Epaper
తమకన్నా వయసులో చాలా పెద్దావిడను పెళ్లిళ్లు చేసుకునే వాళ్లు చాలామంది కనిపిస్తున్నారు. ప్రత్యేకించి సెలబ్రిటీల్లో. అప్పుడెప్పుడో సైఫ్ అలీఖాన్, ఇంకా సచిన్ టెండూల్కర్, అభిషేక్ బచ్చన్, ధనుష్.. వీళ్లంతా వయసులో తమకన్నా పెద్దవాళ్లను పెళ్లిచేసుకున్న సెలబ్రిటీలే. ఇక ప్రియాంక చోప్రాతో ఎంగేజ్డ్ అయిన కుర్రాడు అయితే ఆమె కన్నా పదేళ్లు చిన్నోడు.
అయితే వీళ్లందరిదీ ఒక రకమైన కథ అయితే.. అర్జున్ కపూర్, మలైకా ఆరోరాలది మరో కథ. వీళ్లిద్దరి వయసు మధ్యనా పుష్కరకాలం వ్యత్యాసం ఉంది. వీళ్లిద్దరూ ప్రేమలో ఉన్నారనే పుకార్లు చాన్నాళ్లుగా ఉన్నాయి. సల్మాన్ ఖాన్ తమ్ముడితో విడాకులకు పూర్వమే మలైకా అర్జున్ తో ప్రేమలో ఉందంటారు. అదే వారి విడాకులకు కారణమైందని అంటారు.
అదేమో కానీ.. విడాకుల తర్వాత అర్జున్ తో బయట కనిపించడానికి ఏమాత్రం వెనుకాడటం లేదు మలైకా. వీకెండ్స్ లో ఈ జంట మీడియా కంటబడుతూ ఉంది. ఇక తాజాగా మిలాన్ ఎయిర్ పోర్టులో అర్జున్, మలైకా కలిసి కనిపించారు. చేతిలో చెయ్యేసి సాగిపోతున్న వీళ్లిద్దరిని చూసి కెమెరాలు ఆశ్చర్యపోయాయి. క్లిక్ మన్నాయి. ఇంతకీ వీరు మిలాన్ ఎందుకు వెళ్లారంటే.. మలైకా 45వ పుట్టినరోజును జరుపుకునేందుకు అట.
పెద్దవయసు అమ్మాయిని పెళ్లి చేసుకోవడం చాలామందే చేస్తున్నా.. మరీ పిల్లలు, విడాకులు అయిన ఆంటీతో ఈ కుర్ర హీరో మరీ ఇంతలా ప్రేమలో పడిపోవడం మాత్రం ఆశ్చర్యపరుస్తూ ఉంది. ఇతడికీ ఆమె అలాగే అతుక్కుపోయినట్టుగా ఉంది. తాజా వ్యవహరంతో వీళ్లిద్దరూ త్వరలో పెళ్లి కూడా చేసుకోబోతున్నారనే మాట వినిపిస్తోంది..అది కూడా బాలీవుడ్ సెలబ్రిటీల నుంచే!