Epaper
ఆఫీసర్ డిజాస్టర్, దేవదాస్ యావరేజ్ హిట్ తరువాత హీరో నాగార్జున తెలుగు సినిమా ఇంతవరకు అనౌన్స్ కాలేదు. ఓ హిందీ సినిమా, ఓ తమిళ సినిమాలతో బిజీగా వున్న నాగ్ తెలుగు స్క్రిప్ట్ లను ఇంకా ఫైనల్ చేయలేదు.
అయితే నాగ్ కోసం రెండు స్క్రిప్ట్ లు రెడీ అవుతున్నట్లు తెలుస్తోంది. ఎప్పటి నుంచో వార్తల్లో వున్న బంగార్రాజు స్క్రిప్ట్ ను దర్శకుడు కళ్యాణ్ కృష్ణ తయారుచేస్తున్నారు. ఇప్పటికే నాగ్ ఓకె చేసిన లైన్ కు అనుగుణంగా బౌండ్ స్క్రిప్ట్ తయారుచేసే పనిలో వున్నారు ఆయన. ఆ స్క్రిప్ట్ నాగ్ విని ఓకె చేయాలి.
చి.ల.సౌ సినిమాతో అక్కినేని ఫ్యామిలీ మెంబర్స్ అందరి ప్రశంసలు యునానిమస్ గా అందుకున్న డైరక్టర్ రాహుల్ రవీంద్రన్ కూడా అన్నపూర్ణలో అడ్వాన్స్ అందుకున్నారు. ఆయన కూడా నాగ్ కోసం ఓ బౌండ్ స్క్రిప్ట్ తయారుచేసే పనిలో బిజీగా వున్నట్లు తెలుస్తోంది.
ఈ రెండు స్క్రిప్ట్ లు రెడీ అయితే, నాగ్ ఫ్రీ అయితే, విని ముందు ఏది తెరువాత ఏది అన్నది డిసైడ్ చేస్తారు. అదీ సంగతి.