Epaper
మొత్తానికి నందమూరి అభిమానుల కోసం మాంచి గ్రూప్ ఫోటో రెడీ అవుతోంది. ఒకే ఫ్రేమ్ లో బాబాయ్, ఇద్దరు అబ్బాయిలు కనిపించబోతున్నారు. చాలాకాలంగా ఎడమొహం పెడమొహంగా వున్న బాలయ్య బాబు, ఎన్టీఆర్ లు మళ్లీ కలిసిపోయిన సంగతి తెలిసిందే. నందమూరి హరికృష్ణ హటాత్ మరణం తరువాత బాబాయ్ బాలయ్యనే పెద్దదిక్కుగా వుండి అన్నికార్యక్రమాలు సజావుగా జరిపించారు.
దాంతో అరవింద సమేత అడియో లేదా ప్రీరిలీజ్ ఫంక్షన్ కే బాలయ్య బాబు ముఖ్య అతిథిగా వస్తారని అందరూ అంచనా వేసారు. ఊహాగానాలు వినిపించాయి. గ్యాసిప్ లు కనిపించాయి. కానీ అలా జరగలేదు. అయితే ఇప్పుడు అరవింద సమేత విడుదల తరువాత జరుగుతున్న తొలి భారీ సక్సెస్ మీట్ కు బాలకృష్ణ హాజరవుతున్నారట.
ఇంకేం.. ఇంకేం కావాలి. నందమూరి అభిమానులకు. అరవింద సమేతకు యునానిమస్ టాక్ రావడం వెనుక, ఈసారి తెలుగుదేశం వర్గాలు అన్నీ దన్నుగా వున్నాయని గ్యాసిప్ లు వినిపించాయి. ఎప్పుడూ ఎన్టీఆర్ సినిమా అంటే యాంటీ మెసేజ్ లు, యాంటీ ప్రాపగండా గతంలో చాలాసార్లు జరిగింది.
ఈసారి అలాంటిది అస్సలు జరగలేదు. పైగా అరవిందకు యునానిమస్ టాక్ తీసుకురావడానికి తెరవెనుక చాలామంది ఎవరి ప్రయత్నాలు వారు చేసారు. సో, మొత్తం మీద తెలుగుదేశం పార్టీకి పవన్ కళ్యాణ్ దన్ను పోయినా, ఎన్టీఆర్ దన్ను వచ్చిందన్నమాట.