Epaper
నాపేరు సూర్య సినిమా ఆడియో ఫంక్షన్ దగ్గరకు వచ్చేసింది. ఈ ఆదివారమే గచ్చిబౌలిలో బన్నీ సినిమా ప్రీ రిలీజ్ హల్ చల్ జరగబోతోంది. ఈ ఫంక్షన్ లో బన్నీ ఎంట్రీ స్పెషల్ గా వుంటుందని ఇప్పటికే వార్తలు వచ్చాయి. ఇప్పడు మరికొన్ని అప్ డేట్స్.
ఈ ఫంక్షన్ లో మానవ జాతీయ పతాకం ఫీట్ ను కన్నుల పండుగగా చూపించబోతున్నారు. అంటే జెండా షేప్ లో తయారుచేసిన ఓ ఫ్రేమ్ లో మువ్వెన్నల దుస్తులలో పలువురు అధ్లెటిక్స్ వుంటారు. వారంతా కలిసి జాతీయ జెండాగా కనిపిస్తారు.
ఈ ఫీట్ జరుగుతుండగా బన్నీపై నుంచి కిందకు దిగుతాడు. ఈ టైప్ ఫీట్ గతంలో బాలీవుడ్ లో చేసినట్లు బోగట్టా. అక్కడ చేసిన వారితో, ఆ సెట్ ప్రాపర్టీస్ తోనే ఇక్కడ కూడా ఈ ఫీట్ చేయబోతున్నారు.
ఈ ఫీట్ కు మాంచి సౌండ్ అండ్ లైట్ ను జోడించి, హైలైట్ చేయాలని ప్రయత్నిస్తున్నారు. నాపేరు సూర్య సినిమా మే 4న విడుదల కాబోతోంది. బన్నీతో పాటు సీనియర్ నటులు అర్జున్, శరత్ కుమార్ తదితరులు ఇందులో నటిస్తున్నారు.