ఈ ఎమ్మెల్యే పక్కా కమర్షియల్

కొత్త దర్శకుడు ఉపేంద్రతో హీరో కళ్యాణ్ రామ్ సినిమా ఎమ్మెల్యే ట్రయిలర్ బయటకు వచ్చింది. నేనేరాజు నేనే మంత్రితో హిట్ కొట్టిన బ్లూప్లానెట్, పీపుల్స్ మీడియా అందిస్తున్న సినిమా ఇది.

కళ్యాణ్ రామ్ కెరీర్ ఆరంభంలో కాస్త డిఫరెంట్ టిపికల్ సినిమాలు చేసాడు. కానీ పటాస్ తరువాత కాస్త ఐడియా మారింది. ఇక కమర్షియల్ ఎంటర్ టైనర్లు మాత్రమే తనకు వర్కవుట్ అవుతాయని ఫిక్స్ అయినట్లుంది.

ఆ కోవలోనే ఎమ్మెల్యే తెరకెక్కుతున్నట్లు క్లియర్ గా కనిపిస్తోంది. ఓ అందమైన అమ్మాయి. వెంటబడడం, ప్రేమించేలా చేసుకోవడం, ఆ పైన విలన్ రూపంలో హర్డిల్, దాన్ని ఎలా దాటాడు అన్నది మిగిలిన కథ. నిజానికి కమర్షియల్ ఎంటర్ టైనర్లలో ఇంతకన్నా ఏమీ వుండదు. కానీ ఆ ఫిల్లింగ్ ఎలా చేసారు. ఎలా కొత్తగా ఎంటర్ టైనర్ చేసారన్నదే కావాలి.

ట్రయిలర్ లో వెన్నెల కిషోర్ కు ఒక్క డైలాగే వున్నా, చూస్తుంటే కళ్యాణ్ రామ్ కు, అతగాడికి మధ్య మంచి కామెడీ ట్రాక్ నే పడినట్లు కనిపిస్తోంది. అలాగే ఫన్ తో కూడినా, పొలిటికల్ పంచ్ లు కూడా బాగానే కూర్చినట్లున్నారు.

శ్రీనువైట్ల దగ్గర పొందిన ట్రయినింగ్ ఏమన్నా దర్శకుడు ఉపేంద్రకు ఉపయోగపడితే, ఫన్నూ, సినిమా రెండూ పండుతాయి. దాని మీదే విజయం ఆధారపడి వుంటుంది.