నిఖిల్ కోసం రాజ్ తరుణ్, నరేష్

నిఖిల్ సినిమా కిర్రాక్ పార్టీ ప్రీరిలీజ్ ఫంక్షన్ ను విజయవాడలో ప్లాన్ చేసారు. ఈ ఫంక్షన్ శనివారం సాయంత్రం జరుగుతుంది. ఈ ఫంక్షన్ కు చీఫ్ గెస్ట్ లుగా రాజ్ తరుణ్, అల్లరి నరేష్ వెళ్తున్నారు.

రాజ్ తరుణ్ కు నిఖిల్ తో మాంచి దోస్తీ వుంది. అందువల్ల ఆ లైన్ లో అతగాడు వెళ్తున్నాడు. ఇక అల్లరి నరేష్ కు కిర్రాక్ పార్టీ నిర్మాత అనిల్ సుంకరతో మాంచి సంబంధాలు వున్నాయి. అందుకని అతగాడు వెళ్తున్నాడు.

కిర్రాక్ పార్టీ సినిమాను ఏ ఇంజనీరింగ్ కాలేజీలో అయితే మాగ్జిమమ్ షూట్ చేసారో, అదే కాలేజీ ఆవరణలో ఫంక్షన్ చేస్తున్నారు. పైగా ఈ కాలేజీ నిర్మాత అనిల్ సుంకరదే కావడం మరో విశేషం. విశాఖ నుంచి ఈస్ట్, వెస్ట్ మీదుగా కాలేజీలన్నీ ప్రచారం కోసం తిరుగుతున్న నిఖిల్, ఫైనల్ గా విజయవాడ కాలేజీలో ప్రీ రిలీజ్ ఫంక్షన్ లో హల్ చల్ చేస్తాడు.

కన్నడ సినిమా ఆధారంగా తయారైన కిర్రాక్ పార్టీ తెలుగు వెర్షన్ కు శరణ్ దర్శకుడు. చందు మొండేటి మాటల రచయిత, సుధీర్ వర్మ స్క్రిప్ట్ రచయిత.