ఈసారి చెర్రీ లుక్కేమిటో?

సినిమా సినిమాకు లుక్ మార్చి అభిమానులను అలరించడం అలవాటైంది యంగ్ హీరోలకు. ధృవ సినిమా కోసం కొత్త లుక్ ట్రయ్ చేసాడు రామ్ చరణ్. పక్కా మాన్లీగా, ఓ యంగ్ ఎనర్జిటిక్ పోలీస్ ఆఫీసర్ లుక్ ను చూపించాడు. ఫ్యాన్స్ నే కాదు జనరల్ ఆడియన్స్ ను కూడా మెప్పించాడు.

ఆ తరువాత సుకుమార్ రంగస్థంలో కోసం గెడ్డం పెంచి, నాటు లుక్ లోకి మారాడు. సుకుమార్ కాస్త ఎక్కువ కాలమే తీసుకున్నాడు రంగస్థలం సినిమా. అందువల్ల రామ్ చరణ్ గెడ్డం లుక్ నే చూస్తున్నారు అభిమానులు చాలా కాలంగా.

ఇప్పుడు టైమ్ వచ్చింది. గెడ్డం లుక్ ను ఛేంజ్ చేస్తున్నట్లు చరణ్ నే ప్రకటించేసాడు. ట్విట్టర్ లో రెండు ఫోటోలు కూడా షేర్ చేసాడు. ఇదంతా బోయపాటితో చేయబోయే సినిమా కోసమే. అయితే ఈలుక్ ఎలా వుండబోతోందన్నది మాత్రం ఇంకా రివీల్ చేయలేదు. గెడ్డం లుక్ కు బై బై చెబుతున్నట్లు మాత్రమే వెల్లడించాడు.

ఇదిలా వుంటే ఈనెలలోనే బోయపాటి సినిమా షూట్ లో జాయిన్ అవ్వాలి రామ్ చరణ్. అందుకు షెడ్యూలు కూడా రెడీ చేసారు. బహుశా అందుకోసమే కావచ్చు రామ్ చరణ్ లుక్ మార్చేస్తున్నాడు.