కిషోర్ తిరుమల-నాని-మైత్రీ మూవీస్

కిషోర్ తిరుమల తొలి హిట్ కొట్టి, మలి సినిమాకు బోర్లాపడ్డాడు. ఉన్నది ఒకటే జిందగీ సినిమా డిఫరెంట్ గా ప్రయత్నించినా, బాక్సాఫీస్ దగ్గర యాక్సెప్ట్ కాలేకపోయింది. అయితే అంత మాత్రం చేత కిషోర్ తిరుమల దగ్గర విషయం లేదని కాదు కదా? అందుకే నాని ఓ సినిమా ఇచ్చేసాడు.

మైత్రీ మూవీస్ సంస్థ నాని-కిషోర్ తిరుమల కాంబినేషన్ లో సినిమాను ఫిబ్రవరి తరువాత స్టార్ట్ చేయబోతోంది. ప్రస్తుతం నాని కృష్ణార్జున యుద్ధం సినిమా చేస్తున్నారు. అది పూర్తికాగానే, శ్రీరామ్ ఆదిత్య డైరక్షన్ లో నాగార్జునతో కలిసి మల్టీస్టారర్ సినిమా స్టార్ట్ చేస్తారు.

ఆ సినిమా ఒక షెడ్యూలు అయిన తరువాత కిషోర్ తిరుమలతో సినిమా స్టార్ట్ చేస్తారు. అలా ఆ రెండు సినిమాలు సమాంతరంగా పూర్తి చేసేందుకు వీలుగా తన డేట్లు నాని కేటాయించినట్లు తెలుస్తోంది.

ఇదిలా వుంటే విజయ్ దేవరకొండ హీరోగా ఒకటి, అర్జున్ రెడ్డి డైరక్టర్ సందీప్ రెడ్డి డైరక్షన్ లో మరొకటి రెండు సినిమాలు మైత్రీ మూవీస్ చేయబోతోంది. ఇప్పటికే చందు మొండేటితో సవ్యసాచి షూట్ లో వుంది. సుకుమార్-రామ్ చరణ్ రంగస్థలం విడుదలకు రెడీ అవుతోంది.