“రంగస్థలం” టైటిల్ వెనక రీజన్ చెప్పిన సుకుమార్

“ఒక గ్రామంలో అన్ని రకాల వ్యక్తులు ఉంటారు. కొందరిలో ప్రేమ కనిపిస్తుంది. మరికొందరిలో కోపం కనిపిస్తుంది. ఇంకొందరు వ్యక్తులు పూర్తిగా స్వార్థంతో ఉంటారు. మరికొందరిలో జెలసీ కనిపిస్తుంది. ఇలా ఎంతమంది ఎన్ని స్వభావాలతో ఉన్నప్పటికీ, ఊరికి ఓ సమస్య వచ్చిందంటే మాత్రం అంతా ఒక్కటైపోతారు. ఇలా అన్ని ఎమోషన్స్ ఉన్న గ్రామం నాకు ఓ రంగస్థలంగా కనిపిస్తుంది. ప్రస్తుతం నేను విలేజ్ బ్యాక్ డ్రాప్ స్టోరీ చెబుతున్నాను కాబట్టి ఈ సినిమాకు రంగస్థలం అని పేరుపెట్టాను.” రామ్ చరణ్ సినిమాకు ఆ టైటిల్ పెట్టడం వెనక రీజన్ ఇదే అంటున్నాడు సుకుమార్.

రంగస్థలం టైటిల్ వెనక మొన్నటివరకు చాలా ఊహాగానాలు నడిచాయి. రంగస్థలం అనేది ఒక ఊరు పేరని కొందరన్నారు. రామ్ చరణ్ పెట్టిన డ్రామా కంపెనీకి ఈ పేరు పెట్టారని మరికొందరన్నారు. కానీ కేవలం కథను దృష్టిలో పెట్టుకొని ఈ టైటిల్ పెట్టామంటున్నాడు సుకుమార్. దర్శకుడు సినిమా ప్రమోషన్ లో భాగంగా ఈ విషయాన్ని వెల్లడించాడు సుక్కు.

అయితే సుకుమార్ చెబుతున్న విషయాన్ని కూడా పూర్తిగా నమ్మడానికి లేదు. ఎందుకంటే కథ ప్రకారమే ఈ టైటిల్ పెడితే మేకింగ్ లో రంగస్థలం అనే బోర్డును ఎందుకు వాడుతున్నట్టు? అనసూయ, సమంత లాంటి తారలు అదే బోర్డు వద్ద సెల్ఫీలు కూడా ఎందుకు దిగినట్టు. సో.. రంగస్థలం అనే ఎలిమెంట్ కు సినిమాతో కచ్చితంగా ఏదో సంబంధం ఉంది. ఆ విషయాన్ని మాత్రం సుకుమార్ చెప్పడంలేదు.