బాలయ్య అభిమానులకు శుభవార్త

బాలయ్య అభిమానులు ఒక్కసారి ఉలిక్కి పడ్డారు. ఎందుకంటే పూరిజగన్నాధ్ – బాలయ్య కాంబినేషన్ లో జరుగుతున్న పైసా వసూల్ సినిమాకు సెకెండ్ యూనిట్ డైరక్టర్ గా మెహర్ రమేష్ పనిచేస్తున్నారని గుసగుసలు వినిపించాయి.

మెహర్ రమేష్ ‘శక్తి’ సామర్థ్యాలు తెలిసి, ఆ ‘షాడో’ ఈ సినిమా మీద పడుతుందేమో అని బాలయ్య అభిమానులు కాస్త కలవర పడ్డారు. అయితే అదంతా వట్టి గాలి వార్తే అని, మెహర్ రమేష్ హ్యాండ్ బాలయ్య సినిమా మీద పడలేదని యూనిట్ వర్గాలు చెబుతున్నాయి.

అసలు మెహర్ రమేష్ పోర్చుగల్ రాలేదని, అయినా పూరిజగన్నాధ్ తన సినిమాను ఎవరికీ వదలరని క్లారిటీ ఇస్తున్నాయి. అంటే ఈ విషయంలో బాలయ్య ఫ్యాన్స్ కలవర పడనక్కరలేదన్నమాట.

ఐటమ్ కైరా దత్ నే

బాలయ్య-పూరి సినిమా అయిటమ్ సాంగ్ మినహా మిగిలిన పాటలు అన్నీ షూట్ చేసేసుకుంది. మూడు పాటలు పోర్చుగల్ లో జరిగాయి. మిగిలిన అయిటమ్ సాంగ్ హైదరాబాద్ లో షూట్ చేస్తారు. ఇందుకోసం కైరా దత్ ను ఐటమ్ భామగా ఎంపికచేయడం దాదాపు ఖరారయినట్లే. 16న పోర్చుగల్ నుంచి యూనిట్ తిరిగి వచ్చాక, లోకల్ షెడ్యూలు ప్లాన్ చేస్తారు.