అనుష్కకే సాహో ఓటేసాడా?

దీపిక అన్నారు, ఇంకొకరు అన్నారు. ఆఖరికి మళ్లీ మన అనుష్కకే సాహొ యూనిట్ ఓటేయబోతోందని తెలుస్తోంది. ఇందకు సవాలక్ష కారణాలు వున్నాయట. బాలీవుడ్  భామలు ఎవరూ సెట్ కాకపోవడమే అసలు సిసలు రీజన్ అంట.

ప్రభాస్ సరసన చేయడానికి చాలా మందే ఆసక్తిగా వున్నారట కానీ, డేట్లు ఇప్పుడే ఇవ్వలేమంటున్నారట.

ఇక అనుష్క అయితే బాలీవుడ్ లో బాహుబలి పెయిర్ గా గుర్తింపు వుండనే వుంటుంది. అందువల్ల ఆమెనే ఫిక్స్ చేసుకోవాలని యువి యూనిట్ భావిస్తున్నట్లు తెలుస్తోంది. సాహో సినిమాను చకచకా ఫినిష్ చేయాలని ప్రభాస్ భావిస్తున్నాడట. అది పూర్తి చేసి రాధాకృష్ణ డైరక్షన్ లో కృష్ణంరాజు నిర్మించే సినిమాను స్టార్ట్ చేయాలి.

అందుకే అనుష్క రెడీగా వుంది కాబట్టి ఆమెనే ఫిక్స్ చేసుకోవాలని భావిస్తున్నట్లు తెలుస్తోంది. ఇప్పటికే అనుష్క – ప్రభాస్ జోడీ చాలా హిట్ లు కొట్టింది. ఆ సెంటిమెంట్ కూడా వుండనే వుంది. యువి సంస్థలో ఇప్పటికే అనుష్క భాగమతి సినిమా చేస్తోంది. గతంలో అదే సంస్థలో మిర్చి సినిమా చేసింది.