బాహుబలి-2లో స్టార్ హీరో గెస్టప్పీరియన్స్?

హిందీ మీడియాలో ఇప్పుడు కొత్త రూమర్ షికారు చేస్తోంది. అది తెలుగు సినిమా ‘బాహుబలి-2’ విషయంలో! ఇందులో బాలీవుడ్ స్టార్ హీరో షారూక్ గెస్టప్పీరియన్స్ ఇవ్వబోతున్నాడనేది ఆ రూమర్ సారాంశం! ఈ సినిమాలో షారూక్ మెరుస్తాడని హిందీ చిత్ర పత్రికలు రాస్తున్నాయి. ఈ రూమర్ షారూక్ అభిమానులకు ఎగ్జైట్ మెంట్ ను ఇస్తోంది. ఆ భారీ చిత్రంలో షారూక్ ఎలా కనిపిస్తాడో అనేది వారి ఎగ్జైట్ మెంట్.

అయితే ఈ విషయంలో అధికారిక ధ్రువీకరణ ఏదీ లేదు కానీ.. హిందీ వాళ్ల మధ్య ప్రచారం అయితే గట్టిగా సాగుతోంది. బాహుబలి ఫస్ట్ పార్ట్ హిందీలో మంచి విజయం సాధించింది. ఈ నేపథ్యంలో కంక్లూజన్ కోసం హిందీవాళ్లు ఆసక్తిగా ఎదురుచూస్తున్నారు. ఈ నేపథ్యంలో ఇలాంటి రూమర్లు పుట్టుకొస్తున్నాయి!

షారూక్ ఖాన్ ‘రయీస్’ సినిమా తో పాటు బాహుబలి- కంక్లూజన్ పార్ట్ టీజర్ విడుదల అవుతుందని కూడా ఇది వరకూ హిందీ మీడియా ప్రచారం చేసి పెట్టింది. రయీస్ ఇంటర్వెల్ లో బాహుబలి-2 టీజర్ ప్రదర్శిస్తారని ప్రచారం చేశారు. షారూక్ సినిమా వచ్చింది, వెళ్లింది కానీ.. బాహుబలి-2 టీజర్ మాత్రం రాలేదు. ఎప్పుడొస్తుందో కూడా ఇంకా క్లారిటీ లేదు!