మెగా బ్రధర్స్ కు ‘గాలి’ ఆహ్వానాలు?

గాలి జనార్థన రెడ్డి, మీడియా పుణ్యమా అని తెలుగు జనాలకు సుపరిచమైపోయిన పేరు. వేల కోట్లకు అధిపతి. ఇంట్లో వెండి సింహాసనాలు, ఇంకా ఇంకా అనేక వైభోగాలు అంటూ ఫోటోలు కథనాలు. స్కాములు, జైలు వ్యవహారాలు అన్నప్పుడు ఎన్ని వార్తలు, సంచలనాలో, ఇప్పుడు కూతురు పెళ్లి అంటే కూడా అంతే సంచలనం. పెళ్లి శుభలేఖతో పాటు డిజిటల్ కంటెంట్. ప్రత్యేకంగా పెళ్లిపాట విడియో రికార్డింగ్, ఇంకా ఇంకా. 

ఇలాంటి శుభలేఖ టాలీవుడ్ లోని కొందరు సెలబ్రిటీలకు కూడా అందిందట. గాలి జనార్థన రెడ్డి స్వయంగా వచ్చి, ఇండస్ట్రీలోని కొందరు పెద్దలను ఆహ్వానించినట్లు తెలుస్తోంది. శుభలేఖతో పాటు మాంచి విలువైన వెండి గణేష్ విగ్రహం కూడా అందించినట్లు తెలుస్తోంది. ఇలా పిలుపు అందుకున్న వారిలో దర్శకుడు దాసరి, మెగా బ్రదర్స్ చిరంజీవి, పవన్, ఒకరిద్దరు నిర్మాతలు కూడా వున్నారని వినికిడి. ఈ శుభలేఖను, ఆ విగ్రహాన్ని చూసి వారు ఫిదా అయిపోయినట్లు వార్తలు వినిపిస్తున్నాయి. 

ఈ వ్యవహారాలు అన్నీ చూస్తుంటే, ఎలా సంపాదించారన్నది కాదు..డబ్బు వుందా లేదా అన్నదే కీలకం అనుకోవాలి. అయినా కూడా డబ్బు వుంటే సరిపోదు..టేస్ట్ కూడా వుండాలి మరి.