చైతన్య నిన్నే పెళ్లాడుతా

నాగ్ చైతన్య కెరీర్ మీద తండ్రి నాగ్ గట్టి దృష్టే పెట్టారు. ప్రస్తుతం సాహసం శ్వాసగా సాగిపో, ప్రేమమ్ సినిమాలు చేస్తున్న నాగ్ చైతన్య తరువాతి సినిమాను కళ్యాణ్ కృష్ణ డైరక్షన్ లో ఫిక్స్ చేసారు నాగ్. తనకు సోగ్గాడే చిన్ని నాయనా లాంటి హిట్ ఇచ్చిన కళ్యాణ్ రెండో సినిమా ఇది. 

అయితే కళ్యాణ్ కృష్ణ ఎక్కడ బలం చూపించగలడో గమనించేసాడు కాబట్టి, చైతూతో చేయబోయే సినిమాకు తన ఎవర్ గ్రీన్ హిట్ నిన్నే పెళ్లాడుతాను మోడల్ గా ఫిక్స్ చేసాడట. కళ్యాణ్ కృష్ణ ఒకటికి పది సార్లు నిన్నేపెళ్లాడుతూ చూసి, దాని ఫుట్ స్టెప్స్ లో స్క్రిప్ట్ తయారుచేస్తున్నారట నాగ్ చైతన్య కోసం. 

అంటే కథ అది కాదు. కానీ మేకింగ్ స్టయిల్ అదన్నమాట. పెద్ద ఫ్యామిలీ, బోలెడు మంది సభ్యులు, వాళ్లందరి మధ్య ఫన్, ఎమోషన్లు ఇవన్నీ మాత్రం నిన్నే పెళ్లాడుతా స్టయిల్ లోనే సాగుతాయని వినికిడి. ఈ మేరకు స్క్రిప్ట్ రెడీ అవుతోంది. పూర్తయిన తరువాత నవంబర్ లేదా డిసెంబర్ నుంచి షూట్ స్టార్ట్ అవుతుంది.