Epaper
నాగ్ కుటుంబ హీరోల్లో భలే చిత్రమైన పరిస్థితి నెలకొంది ఇప్పుడు. చైతూతో సినిమాలు చేయాలని చాలామంది దర్శకులు ఆసక్తి కనబరుస్తున్నారు. కానీ అఖిల్ విషయంలో ఇది రివర్స్ అవుతోందట. అఖిల్ తో సినిమాచేస్తామని ఎవరు ముందుకు రావడం లేదు కానీ చైతూతో చేస్తామని తెగ సరదా పడేవారి సంఖ్య చాలా ఎక్కువే వుందట.
దర్శకుడు శ్రీవాస్ తన దగ్గర ఓ మాంచి సబ్జెక్ట్ వుందని, రకుల్ జోడీగా సినిమా చేద్దామని అంటున్నారు. సెల్వ రాఘవన్ ఓ మాంచి సబ్జెక్ట్ చెప్పారు. అయితే మరీ రా గా వుందని, మరేదైనా వుంటే చేద్దామని అన్నాడు చైతూ. ఇక హరీష్ శంకర్ ఎలాగైనా చైతూతో ఓ సినిమా చేయాలని ప్రయత్నిస్తున్నాడు.
ఇక సోగ్గాడే చిన్ని నాయనా డైరక్టర్ కూడా అఖిల్, చైతూల్లో ఎవరితో చేస్తారంటే..చైతూనే అంటున్నాడట. ఇంకా మరో ఒకరిద్దరు డైరక్టర్లు కూడా చైతూకు కథలు చెప్పడమో, చెప్పే ప్రయత్నంలో వుండడమో చేస్తున్నారట. దీనికి టాలీవుడ్ లో ఒకటే కారణం వినిపిస్తోంది.. చైతూ..బాబు బంగారం టైపు అని. డౌన్ టు ఎర్త్ వుంటాడని..అందుకే చైతూతో సినిమా చేయాలని డైరక్టర్లు అంతా ఉత్సాహ పడుతున్నారని.