Epaper
నితిన్..సమంత కాంబినేషన్ లో ముస్తాబవుతున్న సినిమా..అ..ఆ. ఈ సినిమా బడ్జెట్ అంతకు అంతా పెరిగిపోతోందని వార్తలు వినిపిస్తున్నాయి. పెద్ద డైరక్టర్..నిర్మాణ సంస్థ కూడా పెద్దదే. కానీ నితిన్ రేంజ్ ఎంత వుంటుందన్నది పాయింట్. త్రివిక్రమ్.. హారిక హాసిని కాంబినేషన్ అంటే జనంలో క్రేజ్ వుండొచ్చు. అంత మాత్రం చేత ముఫై నుంచి నలభై కోట్ల బడ్జెట్ అవసరమా అన్న ప్రశ్నలు ఇండస్ట్రీలో వినిపిస్తున్నాయి.
ఈ సినిమాకు దర్శకుడు త్రివిక్రమ్ చాలా ఎక్కువ ఖర్చు చేయిస్తున్నారన్నది ఇండస్ట్రీ టాక్. ఒక చిన్న సీన్ కు సెట్ వేయించి భారీగా ఖర్చుచేయించేసారట. పైగా త్రివిక్రమ్ సినిమా అంటే స్టార్ కాస్ట్ భారీగా వుంటుంది. డైలాగ్ లేని క్యారెక్టర్ కు కూడా పెద్ద నటులే కావాలి. పైగా బోలెడు క్యారవాన్ లు, కార్లు.. దాంతో బడ్జెట్ తడిసి మోపెడవుతోందని వినికిడి.
అయితే త్రివిక్రమ్ కూడా సైలంట్ పార్టనర్ అని వినికిడి. దాంతో మరింక ఎవరు ఏమీ అడ్డు చెప్పడం లేదని గుసగుసలు వినిపిస్తున్నాయి.