‘భయో’ డేటా: ‘చెయ్యెత్తు’ రెడ్డి!

నా పేరు:  కె. జానారెడ్డి

దరఖాస్తు చేయు ఉద్యోగం: పెద్ద మనిషి ( నా పెద్దరికాన్ని కాంగ్రెస్‌లో గుర్తిస్తే చాలు. గుడ్డొచ్చి పిల్లను వెక్కిరిస్తే, అధిష్ఠానం దృష్టికి తీసుకు వెళ్లకుంటానా? ముఖ్యమంత్రి కాకపోయిన తర్వాత ఏ పదవి అయినా నాకు చిన్నదే కాబట్టి, తెలంగాణ కాంగ్రెస్‌లో అతి పెద్ద నేతేక  నా దరఖాస్తు ఎప్పుడూ)

వయసు: జో బిడెన్ కూ జానా రెడ్డికీ వయసుతో సంబంధం వుండదు. 

ముద్దు పేర్లు: ‘చెయ్యెత్తు’ రెడ్డిని ( అంటే ఎత్తయిన వాణ్ణని మాత్రమే కాదు, ‘చెయ్యి’ మాత్రమే ఎత్తేవాణ్ణని. వేరే గుర్తులూ, రంగులూ జోలికి వెళ్లేవాడిని కానని అర్థం)

విద్యార్హతలు: అనుమానం వస్తుంది. నేను మాట్లాడింది అర్థం చేసుకోవటానికి మీకు కష్టమవుతుంది కదా!  

విలాసం: ఇప్పుడెక్కడున్నానో చూస్తున్నారు కదా! నేనయినా, నా తనయుడయినా ఇప్పటి విలాసమే చెబుతాం. రాజకీయాల్లో ఎవరయినా అంతే. రేపటి గురించి జోస్యలడక్కూడదు. 

గుర్తింపు చిహ్నాలు: ఒకటి: తొట్టతొలి తెలంగాణ శాసనసభ ప్రతిపక్ష నేత. నన్ను కేసీఆర్ ఎప్పుడూ గుర్తుపెట్టుకంటారు. రెండో సారి ముఖ్యమంత్రి అయినప్పుడు అయితే నేనే గుర్తుకు వచ్చి వుంటాను. 

రెండు: చర్చలకు సిధ్ధం సవాళ్ళకు కాదు. ఏకంగా నక్సలైట్లతోనే శాంతియుతంగా చర్చలు జరిపినవాణ్ణి. 

సిధ్ధాంతం: ఎదిగిన నేతను, ఇవాళే పుట్టి రంకెలు వేస్తున్నవాళ్ళను అడగాలి సిధ్ధాంతమేదని? 

వృత్తి: అదను కోసం ఎదురు చూడటం. 

హాబీలు: 1. శత్రువులు మంచి చేసినా మెచ్చుకోవటం. కేసీఆర్ అయిదు రూపాయిల భోజనాన్ని తిని, మెచ్చుకున్నాను. తర్వాత ఆయన గెలిచి వుంటారు.  అది నాకనవసరం. 

2. తేడా వస్తే ఎవరినయినా ఎదరిస్తాను. ఎన్టీఆర్ నే ఎదిరించి వేరే పార్టీ పెట్టిన వాణ్ణి. అఫ్ కోర్స్ తర్వాత కాంగ్రెస్ లో కలిపేశాననుకోండి. 

అనుభవం: నా మాటే కాదు, నా బాట కూడా అర్థం కాదు. అందుకే అనవసరమైన ఊహలు చెయ్యకండి. 

మిత్రులు: చెట్టును పట్టుకుని, ఈ మొక్కలు నీ మిత్రులా అని అడిగినట్లుందా?  చూశారా? మళ్ళీ నా మాటలు అర్థం కావటంలేదు. 

శత్రువులు: ఉంటారు. కానీ ఆ విషయం వారికి తెలియదు. 

మిత్రశత్రువులు: రాజకీయ నేతలకు వాళ్లే ఎక్కువ. 

జీవిత ధ్యేయం: సాధించింది చాలదా? 

సర్