ఇలియానా బాగానే దొరికింది

మార్కెట్ వుంటే దాని మజా వేరు..దాంతో వచ్చే మనీయే వేరు. అదే ఒక్కసారి మార్కెట్ డౌన్ అయితే, ఇచ్చిందే దక్కుడు. ఒకప్పడు హవర్ గ్లాస్ ఫిగర్ గా, గ్లామరస్ హీరోయిన్ గా పేరు తెచ్చుకున్న ఇలియానా, ఇప్పుడు టాలీవుడ్ కు దూరమైపోయింది.

అలా అని బాలీవుడ్ లో పెద్దగా ఊడబొడిచిందీ లేదు. సరే, ఆఖరికి తెలుగులో ఓ స్పెషల్ సాంగ్, (అయిటమ్ సాంగ్ అంటే బాధపడుతుంది) చేసే పరిస్థితికి వచ్చింది. అఖిల్ సినిమాలో దర్శకుడు వినాయక్ ఓ పాటను ఇలియానా చేత చేయిద్దాం అనుకుంటున్నాడట. అల్లుడు శీనులో తమన్నా చేత చేయించినట్లు.

అయితే తమన్నాకు కోటి సమర్పించుకున్నట్లు అప్పట్లో వార్తలు వినవచ్చాయి. కానీ ఇక్కడ ఇలియానాకు బేరాల్లేవు. అందువల్ల నలభై నుంచి యాభై లక్షల మధ్యలో పే చేస్తామని చెప్పినట్లు టాక్. మరి ఓకే అనేసిందనే వార్తలు వినవస్తున్నాయి. మరోరెండు రోజులు ఆగితే స్పష్టంగా తెలిసిపోతుంది.