స్విట్జర్లాండ్ లో సునీల్ ఆటా పాటా

ముద్దుగా బొద్దుగా కనిపిస్తూ, కామెడీ చేస్తూ, అందరి అభిమానం సంపాదించేసాడు సునీల్. ఇప్పుడు సన్నబడి,హీరోగా మారి మరీ నల్లపూసై జనాలకు కనిపించడం మానేసాడు. ఎక్కడున్నాడో, ఏ సినిమా చేస్తున్నాడో తెలియదు. అంతలా గ్యాప్ వచ్చేస్తోంది. ఇంతకీ ఇప్పుడు సునీల్ ఎక్కడున్నాడు అంటే, స్విట్జర్లాండ్ లో అంట.

 వాసు వర్మ దర్శకత్వంలో దిల్ రాజు నిర్మిస్తున్న సినిమా షెడ్యూలు కోసం స్విట్జర్లాండ్ వెళ్లాడంట. అక్కడ హీరోయిన్ నిక్కి (బుజ్జిగాడు ఫేమ్ సంజన చెల్లి)తో కలిసి, ఆటాపాట మొదలెట్టాడట. పోనీ లెండి..మొదలంటూ వుందికాబట్టి, సినిమా అంటూ వస్తుంది. అభిమానులకు అదే ఆనందం.