xxxx మీడియం రేంజ్ కు వచ్చిన బడా బ్యానర్

మైత్రీ మూవీమేకర్స్.. తెలుగుతెరపైకి కెరటంలా దూసుకొచ్చిన సంస్థ ఇది. బడా బడ్జెట్, బడా హీరోలు, భారీ చిత్రాలు.. ఇలా ఉండేది ఈ బ్యానర్ వ్యవహారం. పట్టుకుంటే బంగారం అనే టైపులో సాగేది ఈ సంస్థ కథ. కానీ ఇదంతా గతం, ఇప్పుడీ బ్యానర్ మీడియం రేంజ్ చిత్రాలకు పడిపోయింది. వీళ్లు ప్రకటిస్తున్న సినిమాలు ఆ విషయాన్ని చెప్పకనే చెబుతున్నాయి.

ప్రస్తుతం డియర్ కామ్రేడ్, గ్యాంగ్ లీడర్ సినిమాలు నిర్మిస్తోంది ఈ సంస్థ. ఇవి కాస్త భారీ బడ్జెట్ సినిమాలే. వీటితో పాటు అల్లు అర్జున్-సుకుమార్ సినిమా కూడా భారీ బడ్జెట్ మూవీనే. ఈ రెండు సినిమాలు కాకుండా మిగతా మూవీస్ అన్నింటినీ మీడియం-రేంజ్ బడ్జెట్, మీడియం రేంజ్ హీరోలతో ప్లాన్ చేసింది ఈ సంస్థ. ప్రస్తుతం ఈ బ్యానర్ పై వస్తున్న ఉప్పెన సినిమా అలాంటిదే.

ఉప్పెనతో బుచ్చిబాబును దర్శకుడిగా పరిచయం చేస్తున్న ఈ బ్యానర్... వివేక్ ఆత్రేయ దర్శకత్వంలో మరో మూవీ ప్లాన్ చేసింది. రీసెంట్ గా బ్రోచేవారెవరురా సినిమా తీశాడు ఈ డైరక్టర్. ఏజెంట్ సాయిశ్రీనివాస్ ఆత్రేయ సినిమాను అందించిన స్వరూప్ తో కూడా మరో సినిమా ప్లాన్ చేశారు. ఇప్పుడు చెప్పుకున్న ఈ 3 సినిమాలు మీడియం బడ్జెట్ సినిమాలే.

రీసెంట్ గా ఈ బ్యానర్ కు చెందిన ముగ్గురు నిర్మాతల నుంచి ఒకరు తప్పుకున్న విషయం తెలిసిందే. ఆ ప్రభావం బ్యానర్ లైనప్ పై పడిందనే విషయం కనిపిస్తూనే ఉంది.

పార్టీ చరిత్రలో ఎన్నడూ లేని స్థాయిలో ఘోరంగా ఓటమి