Epaper
చాన్నాళ్ల తర్వాత మెగా ఫోన్ చేత బడ్డాడు ఆదిత్య చోప్రా. అప్పుడెప్పుడో షారూక్ హీరోగా అనుష్క శర్మ హీరోయిన్ గా వచ్చిన ‘రబ్ నే బనాదీ జోడీ’ తర్వాత ఈ యశ్ చోప్రా తనయుడు దర్శకుడిగా అవతారం ఎత్తలేదు. మరి కింగ్ ఆఫ్ రొమాన్స్ కు తనయుడు కదా.. రొమాన్స్ విషయంలో కరువుని అంతా తన తాజా సినిమాతో తీర్చేసుకొంటూ ఉన్నట్టున్నాడు.
పోస్టర్ పోస్టర్ తోనూ వేడెక్కిస్తున్నాడు. ఆదిత్య చోప్రొ దర్వకత్వంలో రణ్ వీర్ సింగ్, వాణీ కపూర్ లు హీరోహీరోయిన్లుగా నటిస్తున్న బేఫికర్ సినిమాకు సంబంధించి తాజాగా ఒక పోస్టర్ విడుదల అయ్యింది.ఇది వరకూ ఈ సినిమాకు సంబంధించిన పోస్టర్ లలాగానే ఇందులో కూడా హీరోహీరోయిన్లు గాఢమైన చుంభనంతో మునిగి తేలుతున్నారు.
ఇప్పటికే విడుదలైన పోస్టర్లలో కూడా హీరోహీరోయిన్లు మొహాలు కూడా కనపడకుండా.. మోహంలో మునిగిపోతున్న పోజుల్లో కనిపిస్తారు. తాజాగా ఇన్ స్టాగ్రమ్ ద్వారా విడుదల చేసిన నాలుగో పోస్టర్ లో కూడా ముద్దునే హైలెట్ చేశాడు దర్శకుడు.ఈ సినిమాలో రికార్డు స్థాయిలో ముద్దులు ఉండబోతున్నాయని బాలీవుడ్ లో ప్రచారం జరుగుతోంది.
రణ్ వీర్ సింగ్ గర్ల్ ఫ్రెండ్ దీపిక పదుకునే ఈర్ష పడేలా ఈ చుంభనాలు ఉంటాయని, ఈ సినిమాతో వాణీ కపూర్ దశ తిరుగుతుందని.. హద్దుల్లేని ఈ ముద్దులాట ఆమెను సినీ పరిశ్రమకు రీ ఇంట్రడ్యూస్ చేస్తుందని అంటున్నారు. యశ్ రాజ్ బ్యానర్ వారు ఇది వరకూ తీసిన ‘ఆహా కల్యాణం’ లోవాణీ హీరోయిన్ గా నటించింది. అందులో ఒక్కటీ అర లిప్ లాక్ లతో సరిపెడితే.. ఈ సారి మాత్రం వాటికి లెక్కేలేదని అంటున్నారు. డిసెంబర్ తొమ్మిదిన ఈ సినిమాను విడుదల చేయనున్నారట. అంతలోపు మరిన్ని హాట్ పోస్టర్లు విడుదల కానున్నాయి!