Epaper
ఎడమచెయ్యి మాట వినకపోవడం అన్న పాయింట్ ను యాక్షన్, సెంటిమెంట్ ల్లో రంగరించి సవ్యసాచిగా మార్చాడు చందు మొండేటి. బహుశా అదే ఐడియా కలలోకి వచ్చి వుంటుంది కన్నడ దర్శకుడు అర్జున్ కుమార్ కు. అందుకే ఆరేడు నెలలు ముందుగానే కన్నడంలో ఓ కామెడీ రోమాంటిక్ మూవీ తీసి వదిలాడు. సంకష్ట కర గణపతి అనే పేరిట వచ్చిన ఈ సినిమాలో యాక్షన్ వుండదు. అంతా ఫన్ అండ్ లవ్.
చిత్రమేమిటంటే, ఈ సినిమా నవంబర్ 1న అమెజాన్ లో విడుదలవుతోంది. నవంబర్ 2న అదే తరహా సిండ్రోమ్ ఆధారంగా తయారైన సవ్యసాచి విడుదలవుతోంది. సరే, ఆ సినిమా వేరు, ఈ సినిమా వేరు. జస్ట్ ఎడమ చెయి సమస్య అన్నదే పాయింట్. అయితే అలా అని ఆ సినిమాను చందు మొండేటి చూడలేదు అని అనుకోవడానికి లేదు.
ఎందుకంటే సంకష్ట కర గణపతి సినిమా ట్రయిలర్లో ఓ సీన్ ను మన సవ్యసాచిలో యాజ్ ఇట్ ఈజ్ గా లేపేసారు. అమ్మాయి వెళ్లిపోతుంటే ఎడం చేయి దానంతట అది ఆ అమ్మాయి బ్యాక్ మీద చిన్నగా కొట్టే సీన్ అది.
సరే, ఆ సంగతి అలా వుంచితే సవ్యసాచిలో చైతూను తొలిసారి మైథలాజికల్ పాత్రలో కూడా చూపిస్తున్నాడు చందు మొండేటి. అర్జునుడి గెటప్ లో అన్నమాట. సినిమా సెకండాఫ్ మొత్తం హీరో, విలన్ మధ్య పోరుతో, ఛాలెంజ్ తో సాగుతుంది అని టాక్. మరి ఈ మైథలాజికల్ ముచ్చట ప్రథమార్థంలో వస్తుందేమో?
ఏమైనా అసలైన సవ్యసాచి చందు మొండేటినే..ఫస్ట్ సోషియో థ్రిల్లర్, రెండోసారి లవ్వబుల్ రీమేక్. ముచ్చటగా మూడోసారి సైన్స్ టచ్ వున్న యాక్షన్, సెంటిమెంట్ సినిమా.