కీరవాణి పిల్లలతో ‘మైత్రీ’ బంధం

రాజమౌళి, కీరవాణి, వాళ్ల పిల్లలు అంతా మల్టీ టాలెంటెడ్. సంగీతాలు, పాటలు, డైరక్షన్, నిర్మాణం ఇలా దేనికైనా రెడీ. ఇప్పటికే రాజమౌళి, కీరవాణి ఫ్యామిలి మెంబర్స్ అంతా రాజమౌళి ప్రాజెక్టులో ఏదో ఒక పనికి ఫిక్స్ అయిపోతుంటారు.

అందుకే మైత్రీ మూవీస్ లో ఓ ప్రాజెక్టు ఒకటి ప్లానింగ్ లో వుందంటూ గుసగుసలు వినిపిస్తున్నాయి. ఈ ప్రాజెక్టు ఇంకా ప్లానింగ్ లో వుంది. పూర్తి డిటైయిల్స్ తెలియవు కానీ, దానితో కీరవాణి కొడుకులు ఇద్దరు కీలక బాధ్యతలతో పరిచయం అవుతారని వినిపిస్తోంది.

కీరవాణి కుమారుడు భైరవ ఇప్పటికే సింగర్ గా ప్రూవ్ చేసుకున్నారు. అదే భైరవ మైత్రీ మూవీస్ లో సంగీత దర్శకుడిగా ఎంట్రీ ఇచ్చే అవకాశం వుందని తెలుస్తోంది. కీరవాణి మరో కుమారుడు సింహా అదే మైత్రీ మూవీస్ లో డైరక్షన్ డిపార్ట్ మెంట్ లో పనిచేస్తున్నారు. ఆ ప్రాజెక్టుకు ఇతగాడు డైరక్షన్ చేసే అవకాశం వుందంటున్నారు.

అన్నదమ్ములు ఇద్దరు డైరక్టర్, మ్యూజిక్ డైరక్టర్ గా అన్నమాట. కాస్త నమ్మడానికి దూరంగా వున్న గ్యాసిప్ కూడా వినిపిస్తోంది. ఈ ప్రాజెక్టుకు కాన్సెప్ట్ బేస్డ్ స్టోరీ అనుకున్నారని, ఆ స్టోరీలో కీలక పాత్రను కూడా భైరవ తెరపై పోషించే అవకాశం వుందని టాక్. మరి నిజమెంతో తెలియాలంటే కొన్నాళ్లు ఆగాలి.

మొత్తానికి కీరవాణి రిటైర్ అయ్యే టైమ్ కు పిల్లలను దిగ్విజయంగా లాంఛ్ చేయబోతున్నారన్నమాట.

కలెక్షన్ల లెక్కలు నిజమేనా క్లారిటీ కోసం చదవండి ఈ వారం గ్రేట్ ఆంధ్ర పేపర్