అమర్ ముందు సవ్యసాచి వెనుక

మైత్రీమూవీస్ నుంచి రెండు సినిమాలు వరుసగా వచ్చేస్తున్నాయి. ఇందుకోసం డేట్ లు ఫిక్స్ చేసుకున్నాయి. సవ్యసాచి సినిమా ఎప్పుడో రెడీ కావాల్సింది. ఆఖరికి ఆగస్టు 31న అనుకున్నారు. కానీ వీలుకాలేదు. ఆ సినిమా రెడీ అయిపోతోంది కానీ అక్టోబర్ ఫస్ట్ వీక్ లో వదులుదాం అంటే నాగ్-నానిల సినిమా వారం ముందుగా వస్తోంది.

అందుకే అక్టోబర్ 4న శ్రీనువైట్ల-రవితేజల కాంబినేషన్ లోని అమర్-అక్బర్-ఆంథోనిని షెడ్యూలు చేసారు. ఆ సినిమా మీద చాలా హోప్ వుంది శ్రీనువైట్లకు, రవితేజకు కూడా. ఈ సినిమాతో శ్రీనువైట్ల మళ్లీ హిట్ దారిలో పడతారని  టాక్ వుంది.

ఇక సవ్యసాచి సినిమాకు సూపర్ డేట్ దొరికింది. నవంబర్ 2 శుక్రవారం. అక్కడి నుంచి నవంబర్ 7 వరకు సెలవులే. సో అందుకని, నవంబర్ 2ను సవ్యసాచి విడుదలకు ముహూర్తంగా పిక్స్ చేసారు.

సో, రంగస్థలం సినిమాతో మాంచి లాభాలు సంపాదించి, హుషారు మీద వున్న మైత్రీమూవీస్ మరోసారి రెండు సినిమాలు నెలగ్యాప్ తో విడుదల చేసే హడావుడిలో వుంది. మరోపక్కన విజయ్ దేవరకొండ సినిమా షూట్ ఈస్ట్ గోదావరిలో జరుగుతోంది.