అన్నీ 'పవన' వార్తలేనట

పవనం అంటూ గాలి. పవన్ కళ్యాణ్ లేటెస్ట్ మూవీ వార్తలు అన్నీ గాలి వార్తలే అని వాపోతోంది హారిక హాసిని సంస్థ సినిమా యూనిట్.

తమ సినిమా పేరు దేవుడే దిగివస్తే అంటున్నారని, అది ఏ మాత్రం కానే కాదని, పేరు డిసైడ్ చేయలేదని, అసలు ఆ పేరు డిస్కషన్ లోనే లేదని అంటున్నారు హారిక హాసిని జనాలు.

అలాగే తమ సినిమాలో సమంత హీరోయిన్ అంటున్నారని, అది కూడా డిస్కషన్ లో కూడా లేదని చెబుతున్నారు. ఇవన్నీ పూర్తిగా ఊహించి రాస్తున్నవని, అసలు తమ డైరక్టర్ త్రివిక్రమ్ ఆలోచనల్లో ఆ విషయాలు లేనే లేవని, ఆయన కేవలం స్క్రిప్ట్ మీదే కీలకంగా వున్నారని అంటున్నారు.

పేరు కానీ, హీరోయిన్ కానీ అస్సలు ఇంకా డిస్కషనే స్టార్ట్ కాలేదంటున్నారు. వాళ్లన్నది నిజమే కావచ్చు. కానీ త్వరగా డిసైడ్ చేసేస్తే, ఈ గ్యాసిప్ లు రావేమో?