అరవిందలో అయిదో సాంగ్ తీసేసాం

ఎన్టీఆర్-త్రివిక్రమ్ కాంబినేషన్ లో రెడీ అయిన అరవింద సమేత వీర రాఘవలో కేవలం నాలుగు పాటలే వున్నాయి. బయటకు వచ్చిన ఆల్బమ్ లో నాలుగు పాటలే వున్నాయి. చిత్రీకరణ కూడా నాలుగు పాటలే చేసారు. అయితే అయిదో పాట వుందని, వుంటుదని తరచు గ్యాసిప్ లు వినిపించాయి. కానీ గ్యాసిప్ నా, నిజమా అన్నది మాత్రం క్లారిటీలేదు

కానీ ఇప్పుడు క్లారిటీ వచ్చేసింది. అరవింద సమేత కోసం అయిదోపాట తయారుచేయించినట్లు మ్యూజిక్ డైరక్టర్ థమన్ నే వెల్లడించాడు. అరవింద సమేత ప్రీరిలీజ్ ఫంక్షన్ దగ్గర మీడియాతో మాట్లాడుతూ' అయిదో పాట రెడీ చేసాం. షూటింగ్ మాత్రం చేయలేదు. అయితే సినిమా స్క్రిప్ట్ ప్రకారం నాలుగు పాటలతో పక్కాగా వచ్చింది సినిమా. ఇంక అయిదోపాట అనవసరం అని చేసిన దాన్నే పక్కన పెట్టేసాం' అని థమన్ వెల్లడించాడు.

అయితే అయిదోపాట డ్యూయట్ నా? కాదా? అన్నది మాత్రం చెప్పలేదు. డ్యూయట్ నే అయివుండాలి. ఎందుకంటే ఇప్పటికే ఆల్బమ్ లో రెండు నాన్ డ్యూయట్ లు వున్నాయి. డ్యూయట్ అయితే ఒక వెసులుబాటు వుంటుంది. సినిమా విడుదలయిన తరువాత ఎప్పుడు కావాలంటే అప్పుడు జాయిన్ చేసుకొవచ్చు. కానీ షూటింగ్ జరపలేదు అని థమన్ క్లియర్ చేసాడు కాబట్టి, ఇక ఆ పాట అలా తెరవెనుక వుండిపోతుందనే అనుకోవాలి.