‘ఆర్య’ సిన్మా కళ కనిపిస్తోంది

సాయి ధరమ్‌ తేజ్‌ కూడా హీరోగా స్టాండ్‌ అయిపోతాడని మెగా క్యాంప్‌ కాన్ఫిడెంట్‌గా ఉంది. చిరంజీవి మేనల్లుడు సాయి ధరమ్‌ తేజ్‌ నాలుగేళ్ల క్రితమే తెరపై కనిపించాల్సి ఉంది. కానీ అతని మొదటి రెండు చిత్రాలు కూడా వేర్వేరు కారణాలతో లేట్‌ అయ్యాయి. చివరకు అతని రెండో చిత్రమైన ‘పిల్లా నువ్వు లేని జీవితం’ ముందుగా రిలీజ్‌ అవుతోంది. 

Watch Sai Dharam Tej Exclusive Interview

ఈ శుక్రవారం విడుదల కాబోతున్న ఈ చిత్రంపై మంచి బజ్‌ ఉంది. బిజినెస్‌ సర్కిల్స్‌ కూడా దీనిపై ఆసక్తి చూపించాయి. స్టార్‌ డైరెక్టర్‌ లేకపోయినా కానీ అన్ని ఏరియాల్లో డీసెంట్‌ ప్రీ రిలీజ్‌ బిజినెస్‌ చేసిన ఈ చిత్రాన్ని తెలుగు రాష్ట్రాల్లో నాలుగొందల థియేటర్లలో విడుదల చేస్తున్నారు. ఈ చిత్రం పోస్టర్స్‌ ఫ్రెష్‌గా ఉన్నాయి. అల్లు అర్జున్‌ నటించిన ‘ఆర్య’ సినిమా పోస్టర్లని తలపిస్తున్నాయి. హీరో స్టయిల్‌, డ్రెస్సింగ్‌ అంతా కూడా దాని నుంచే ఇన్‌స్పయిర్‌ అయినట్టు అనిపిస్తోంది. 

Watch Regina Talking About Pilla Nuvvu leni Jeevitham

‘యజ్ఞం’ దర్శకుడు రవికుమార్‌ చౌదరికి ఆ సినిమా తర్వాత టైమ్‌ కలిసి రాలేదు. ఈ సినిమాతో తిరిగి డిమాండ్‌ పెరుగుతుందనే ధీమాతో ఉన్నాడు. దిల్‌ రాజు, అల్లు అరవింద్‌ నిర్మాణంలో భాగస్వాములు కావడం ‘పిల్లా నువ్వు లేని జీవితం’పై అంచనాలు ఏర్పడేందుకు దోహదపడింది. మరి ఈ మెగా హీరో బాక్సాఫీస్‌ జర్నీ ఎంత ఘనంగా స్టార్ట్‌ అవుతుందనేది చూడాలిక.