అటు ఇటు భారీ..మధ్యలో పోటాపోటీ

జూలై 24 బెల్లంకొండ సురేష్ ప్రెస్టీజియస్ మూవీ అల్లుడుశీను…ఆగస్టు 14 అదే నిర్మాత భారీ సినిమా ఎన్టీఆర్ నటించిన రభస..ఈ రెండు సినిమాలు డేట్లు పక్కా కావడంతో మధ్యలో వున్న రెండు తేదీలు ఆగస్టు 1, 8 లకు గిరాకీ పెరిగిపోయింది.

 రెడీ అయిపోయిన, అవుతున్న సినిమాలు ఈ రెండు తేదీల్లో రావడానికి కిందా మీదా పడడమే కాకుండా, పోటీ గోదాలోకి దిగుతున్నాయి. ఆగస్టు 1న రన్ రాజా రన్, మాయ, కార్తికేయ రెడీ అవుతుంటే, 8న రావడానికి కోనవెంకట్ గీతాంజలి, మారుతి లవర్స్, నాని జెండాపై కపిరాజు సిద్దపడుతున్నాయి. 

పోటీ వల్ల అనర్థమే అని తెలిసినా వీటికి మరో ఆప్షన్ లేదు మరి. 24న థియేటర్లు దొరకవు. ఓపెనింగ్స్ కష్టం. అలాగే ఆగస్టు 14 కూడా. ఎన్టీఆర్ సినిమా ఏ మేరకు వున్నా 21న థియేటర్లయితే ఖాళీ కావు. అంటే మళ్లీ ఆగస్టు 28కే. అందుకే ఏమయితే అయిందని ఆగస్టు1, 8న ఆరు సినిమాలు విడుదలకు రెడీ అయిపోతున్నాయి.