మారుతి లవర్స్ మార్కెట్ ఓకె

ఇటీవలి కాలంలో ఒకటి రెండు సినిమాలు డీలా పడినా మారితి బ్రాండ్ ఇమేజ్ ఇంకా తగ్గలేదు. ఆయన కథ, మాటలు అందించి, మారుతి ప్రెజెంట్స్ అన్న టాగ్ లైన తగిలించిన లవర్స్ బిజినెస్ బాగానే పూర్తయింది. ఓవర్ సీస్ మాత్రం నిర్మాతలే వుంచేసుకున్నారు. 

నైజాం, ఆంధ్ర, సీడెడ్ ల్లో మొత్తం సేల్ క్లోజ్ అవడమే కాకుండా టేబుల్ ప్రాఫిట్ సంపాదించిన లవర్స్ సినిమాకు హరనాద్ దర్శకుడు, సుమంత్ అశ్విన్, నందిత హీరో హీరోయిన్లు. మారుతి బ్యానర్ లో నందితకు ఇది రెండో సినిమా. 

సమంత చేతుల మీదుగా విడుదలైన, జీవన్ బాబు సంగీతం అందించిన అడియోకి మంచి స్పందనే వచ్చింది. సప్తగిరి మరోసారి మాంచి పవర్ పుల్ కామెడీ రోల్ ప్లే చేసిన ఈ సినిమా ఆగస్టు ఎనిమిదిన ప్రేక్షకుల ముందుకు వస్తోంది.