అవునా? కబాలీ? నిజమేనా?

రజనీ కాంత్ ను చూడడమే ఓ అదృష్టం అనుకుంటారు ఫ్యాన్స్ మాత్రమే కాదు, తమిళ సినిమా జనాలు అంతా. ఆయన సినిమాలో చిన్న పాత్రలోనైనా కనిపిస్తే చాలని అనుకుంటారు. కబాలి లో రజనీ పక్కన రెండు పాత్రల్లో నటించిన ఇద్దరు చిన్న నటుల గురించి ఓ గ్యాసిప్ వినిపిస్తోంది. ఎంతవరకు నిజమో అన్నది నిర్మాతకే తెలియాలి. 

తొలిసగంలో రజనీ పక్కన బాడీగార్డ్ గా తెగ ఓవర్ యాక్షన్ చేస్తూ నటించిన కుర్రాడు, అలాగే కథ ఇండియాకు షిఫ్ట్ అయిన తరువాత రజనీకి, కుమార్తెకు అండగా వుండే టీమ్ కు లీడర్ గా వుండే కుర్రాడు ఎదురు పెట్టుబడి పెట్టి, ఆ సినిమాలో నటించే చాన్స్ లు సంపాదించారని టాక్ వినిపిస్తోంది. పైగా ఈ పెట్టుబడి అన్నది కాస్త భారీనే అన్న గ్యాసిప్ కూడా వినిపిస్తోంది. రజనీ సినిమా కాబట్టి, ఏదయినా నమ్మాలి అనిపిస్తుంది.