‘బీరువా’ కొన్న సందీప్ కిషన్

సందీప్‌ కిషన్‌ ‘వెంకటాద్రి ఎక్స్‌ప్రెస్‌’తో హిట్‌ కొట్టి… తర్వాత ఆ సక్సెస్‌ని కంటిన్యూ చేయలేకపోయాడు. గత ఏడాది రారా కృష్ణయ్య, జోరు చిత్రాలతో చేదు ఫలితాలు చవిచూసిన సందీప్‌ ఈ ఏడాదిలో హిట్ల వేట ‘బీరువా’తో స్టార్ట్‌ చేయబోతున్నాడు. 

తన గత రెండు చిత్రాలు రొటీన్‌గా ఉన్నాయని కామెంట్‌ చేసిన వారికి ‘బీరువా’లో వెరైటీ ఎంటర్‌టైన్‌మెంట్‌ ఇస్తున్నానని ప్రామిస్‌ చేస్తున్నాడు. ఈ చిత్రంపై బీభత్సమైన కాన్ఫిడెన్స్‌ ఉందని సందీప్‌ కిషన్‌ చెబుతున్నాడు. అంతే కాదు… తన నమ్మకాన్ని తెలియజేస్తూ ఈ చిత్రం డిస్ట్రిబ్యూషన్‌ రైట్స్‌ కూడా తీసుకున్నాడు. 

Video: Beeruva Movie Latest Trailer

‘బీరువా’ సినిమాతో సందీప్‌ కిషన్‌ డిస్ట్రిబ్యూటర్‌గా మారాడు. గుంటూరు ఏరియా పంపిణీ హక్కులు తీసుకున్నాడు. హీరోనే సినిమా కొనేసాడంటే అందులో విషయం ఉందని మిగిలిన వాళ్లకీ బలమైన నమ్మకం ఏర్పడుతుంది. మరి ఇది మార్కెటింగ్‌ గిమ్మిక్కో లేక నిజంగానే బీరువాపై భరోసానో తెలియాలంటే శుక్రవారం వరకు వేచి చూడాల్సిందే.