బయోపిక్ లో రాజనాల మనవడు

కొందరు నటులు లేని లోటు పూడ్చలేనిది. ఎస్వీరంగారావు అలాంటి నటుడు. ఆయనను రీప్లేస్ చేయడం, కనీసం ఇలా వుండేవాడు అని చూపించడం కూడా కష్టం. అలాంటిది మహానటి సినిమాలో మోహన్ బాబును వీలయినంత వరకు యస్వీ రంగారావులా చూపించాడు దర్శకుడు నాగ్ అశ్విన్.

మళ్లీ యస్వీ రంగారావు అవసరం పడింది ఎన్టీఆర్ బయోపిక్ కోసం మాయా బజార్ సెట్ వేసారు. బాలయ్య బాబు రెడీ. కానీ మరి ఎస్వీఆర్ ఎలా? మోహన్ బాబునే మళ్లీ తీసుకుందాం అనుకుంటే ఆయన రెండు కాళ్లకు సర్జరీ చేయించుకుని వున్నారు. నిల్చునే పరిస్థితి ఇప్పట్లో లేదు.

అందుకే వెదికి వెదికి ఓ నటుడిని పట్టుకువచ్చారు దర్శకుడు క్రిష్. ఆ నటుడు ఎవరో కాదు.. అలనాటి మేటి విలన్ లలో ఒకరైన రాజనాల మనవడు అని తెలుస్తోంది. ప్రస్తుతానికి అయితే స్టేజ్ ఆర్టిస్ట్ ను తెచ్చాం అని మాత్రమే బయోపిక్ రూపకర్త క్రిష్ చెబుతున్నారు.

కానీ ఆ స్టేజ్ ఆర్టిస్ట్ ఎవరో కాదు, రాజనాల మనవుడు అని విశ్వసనీయ వర్గాల బోగట్టా. 

ఆసక్తిదాయకంగా 'పోల్‌ తెలంగాణ'… చదవండి ఈవారం గ్రేట్ ఆంధ్ర పేపర్