బయోపిక్ టీజర్ షూట్ అంత సీక్రెట్ నా?

బాలయ్య నటించే ఎన్టీఆర్ బయోపిక్ టీజర్ షూట్ బిగినింగ్ అంటూ వార్తలు బయటకు వచ్చేసాయి. గురువారం బిగినింగ్ అంటే బుధవారం వార్తలు బయటకు వచ్చాయి. అంతా సీక్రెట్ గా వుంచుదామనుకున్న బాలయ్య హర్ట్ అయ్యారు.

అందరూ మంచి వాళ్లే కానీ, జరగాల్సింది జరిగిపోయింది అన్నట్లు, నిర్మాత దగ్గర నుంచి అందరూ మేము లీక్ చేయలేదు, మేము లీక్ చేయలేదు అని బాలయ్యకు సంజాయషీ ఇచ్చుకోవాల్సిన పరిస్థితి.

అయితే ఆ సినిమాకు పని చేసే ఒక టెక్నీషియన్ వైపు నుంచే ఈ లీక్ వెళ్లిందని అనుమానాలు యూనిట్ లో వున్నాయి. ఆ టెక్నీషియన్ తరచు తాను చేసే సినిమాల విశేషాలు. తెలిసో,తెలియకో తన మనుషుల ద్వారా మీడియాకు లీక్ చేస్తున్నారన్న గుసగుసలు వున్నాయి. ఇప్పుడు ఈ విషయం నిర్మాత ద్వారా బాలయ్య దాకా వెళ్లినట్లు వినికిడి.

దాంతో గురువారం షూటింగ్ దగ్గర ఫుల్ టైట్ చేసేసారు. ఎక్కడా ఎవర్నీకూడా ఫోన్ లు తేవద్దని, కార్లలోనే వుంచి, స్పాట్ కు రావాలని బాలయ్య హుకుం జారీ చేసినట్లు తెలుస్తోంది. ఈ కార్యక్రమానికి అతి కొద్ది మంది మాత్రమే హాజరయ్యారని తెలుస్తోంది.

కార్యక్రమం వివరాలు కానీ, ఫొటోలు కానీ ఏవీ ఇప్పుడు విడుదల చేయవద్దని, మంచి రోజు చూసి, తాను చెబుతారనని, అప్పుడే ఇవ్వాలని బాలయ్య కరాఖండీగా చెప్పినట్లు తెలుస్తోంది.

మళ్లీ లీకులు వస్తే అప్పుడు అన్ని విషయాలు బయటకు వస్తాయి. బాలయ్య చేసే ఎన్టీఆర్ బయోపిక్ కు లీకులే ప్రెస్ నోట్ లు ఏమో?